祖馬龍心水│「東方飛影」賀年變倍器
更新時間：16:48 2025-01-30
發佈時間：16:48 2025-01-30
發佈時間：16:48 2025-01-30
字體大小
蛇年來臨，祖馬龍繼續陪住大家度馬揀馬，祝各位新年快樂，本欄嘅讀者冷又中、熱又中！
講起冷熱，就想起近日天氣，民間智慧話「過冬唔凍過年凍、過冬凍過年唔凍」。天文台早幾年就做過呢個數據，根據1884年開始有記錄以來嘅統計，原來過冬同過年嘅溫度，兩者並沒有太大關連。所以，眼感呃人，數據唔呃人！
今次祖馬龍鍾意第三場「東方飛影」，佢前一場孭住頂磅、排外檔、沿途走三疊，結果返嚟輸唔遠；上仗跑嫌短嘅千四米志在熱身。呢幾鋪名次雖無威脅，但都所負不遠。今次希斯打王牌返千六，有權掃晒！
新年流流𢭃𢭃埋埋唔少利是錢，希望「東方飛影」呢鋪變身，化身利是變倍器，等大家荷包充裕，唔使慳一個幾毫買老翻藍罐曲奇。
第三場：4東方飛影、13卓越蒨鋒、14銘記知友
第六場：3堅又威、5競駿輝煌、11晨曦儷人
