亨利拆局│練馬師王吼伍鵬志
更新時間：02:00 2025-04-02 HKT
發佈時間：02:00 2025-04-02 HKT
發佈時間：02:00 2025-04-02 HKT
字體大小
今晚舉行四月份首回合賽事，代表本季賽期逐漸步入尾聲。留意近期馬房動靜，自從蔡約翰攻勢略為放緩之後，連日練馬師王賽果七國咁亂，最近四次分別由廖、呂、姚、羅輪流攞威，次次不同款式！唔知今次輪到邊個登基呢？
伍鵬志在季初一輪猛攻，最近一次封王已是11月27日，距今超過四個月！好彩佢早前贏馬夠多，所以即使由季中靜局至今，成績依然穩企上游，而隨着廄內馬匹長時間回氣，可期季尾展開反彈。而佢今次出馬得六匹陣容唔算起眼，預料賠率有多少肉食，其中兩匹強配潘頓，可以視作變倍器，一於博伍鵬志重現大攻勢！
重點爭分馬方面，「唯美主義」賽績顯示實力止於四班，升上三班頂多跑P，不過上仗頭二馬再出都有佳績，本身一席季軍水漲船高，今次休息期足夠兼有大閘打磨，可望爭取12分。「爆熱」最近跑谷草一哩是235場次，走內疊不利路段都輸近，現較當時低9分，反彈唔出奇。
目標：伍鵬志
賠率：8.0
全日惡馬 第八場：唯美主義
練馬師王最佳投注時機：第一場前
