亨利拆局│練馬師王吼蔡約翰

更新時間：02:00 2025-04-20 HKT
發佈時間：02:00 2025-04-20 HKT

上次提到近期谷戰的封王門檻偏低，登上寶座往往只需三隻馬，結果剛戰廖康銘亦一樣，埋單2冠1亞成功封王，又是靠三隻馬得手！至於沙田賽事又如何？由於場數相對較多，封王門檻自然提高，但回顧最近三次田戰，封王的呂、游、羅都只靠四隻馬搶分。假設攤路不變，今次有好幾個馬房都符合資格，正頭正路是蔡、羅、廖，邊線博懵可考慮方、容、姚，而我最終揀蔡約翰，因為佢爭分籌碼唔止四隻，熱都無計！

重點爭分馬方面，「有目共賞」前仗初上二班兼初跑千八可造靚段速贏馬，現較當時只多負六磅，四歲弗馬應無阻力。「大利好運」上仗初跑千八遇亡命快步速，兼且要負頂磅，難度實在太高，仍得季軍確認泥地合適，今次縮程百五兼少負五磅，具備補中條件。「德心知遇」泥地演出準，搏來搏去仍居三班，有力繼續幫手搶分。「英勇快車」上仗頭段步速太慢，末段又稍遲望空，論馬長期有競爭力。

目標：蔡約翰

賠率：2.75

全日惡馬第六場：有目共賞

練馬師王最佳投注時機：第一場前

↓立即下載星島頭條App↓