祖馬龍心水│「真心傳奇」確認進步

更新時間：19:02 2025-04-26 HKT
發佈時間：19:02 2025-04-26 HKT

祖馬龍評馬已經數個寒暑，每一日都喺度諗緊，究竟應該寫一篇點樣嘅馬評畀廣大馬迷。即係咁，如果我係地產經紀，因為希望盡快促成一單生意，所以會一面倒咁介紹樓盤嘅優點。作為馬評人，祖馬龍喺度掙扎緊，我都想提供一匹贏硬嘅馬，但實際上跑馬無必勝，究竟讀者除咗想知道推介馬嘅優點，會唔會想聽埋反面嘅觀點作為參考？

今個大賽日，祖馬龍偏愛「真心傳奇」。推介呢匹馬不外乎近績吸引，佢之前連番造靚時間力壓群雄，上場又造全場最快末段，今日亦有熟手技工潘頓壓陣，感覺上機會壓一。不過，呢匹馬由初出至今跑咗七場，賽後報告有六場指出佢出閘僅屬一般，睇番賽後片段，佢出閘時確實唔係左搖右擺，就係慢閘。而上場賽後，鞍上人莫雅被競賽小組問話，指出馬兒不願出閘，情況更為嚴重。

上賽後，「真心傳奇」被安排兩度試閘，祖馬龍刻意留意佢出閘反應，發現情況大為改善。相信復課之後，此駒出閘問題已獲針對性處理。

假如計本身近仗走勢，祖馬龍判斷「真心傳奇」的確超班，呢鋪排二檔即使出閘唔快，都唔需要留得太後，大賽日有權喺潘頓胯下再次征服三班。

第四場：10但求開心、6笑傲江湖、4競駿輝煌
第六場：4真心傳奇、3增強、7順成之星

↓立即下載星島頭條App↓