湯怡拍戲咀原島大地洪卓立猶豫：返到去錫唔錫佢好？

更新時間：19:38 2017-08-29
發佈時間：18:26 2017-08-29

洪卓立與女友湯怡出席新樓盤活動，湯怡透露最近忙於拍攝新片《日月星》，原本日前會奪去原島大地的螢幕初吻，不過打風關係要延遲拍攝。身旁的洪卓立聞言即謂：「個天對我幾好呀！（會否呷醋？）唔會呷醋，但返到去錫唔錫她好呢？我會諗囉！」湯怡還擊大爆洪卓立跟鍾欣潼合作內地網劇有床戲，不過洪卓立笑指只是兒童適宜的床戲。
談到買樓投資，洪卓立認為要買樓投資賺到第一桶金後才買樓自住，跟足爸爸教誨人生要有兩層樓，一層用來自住，一層用來收租。湯怡坦言計劃於九龍區買樓，自己有另一套買樓計劃，認為要有一層樓揸手，另一層給父母居住，再有第三間屋用來收租，希望將來做包租婆。
問到何時首次置業？洪卓立說：「呢幾年內。（好事近？）係兩樣嘢，我可以結婚後先買樓，大家都咁嘅年紀，差唔多啦！」在旁的湯怡扁扁嘴笑謂：「我呢個年紀買完樓先結婚都得，我唔急㗎！可以再考慮。」問到可會在海外投資物業？她表示外地回報率不俗，但香港置業為先；洪卓立也認為香港人應該以香港置業為首選。
談到理想的單位，湯怡直言起碼要有3房，因為要考慮將來生小孩，其餘房間用作衣帽間及兩公婆使用。問到可會贊成女友湯怡的想法？洪卓立笑指贊成，對方說甚麼就是甚麼。

洪卓立、湯怡各有置業計劃。