發哥重親情為胞姊置業玲姐：我想同佢講無言感激

更新時間：22:27 2018-12-01
發佈時間：19:16 2018-12-01

周潤發（發哥）胞姊周聰玲接受香港電台第一台《舊日的足跡》節目主持車淑梅訪問，分享與發哥的姐弟情。
玲姐常把發哥掛在口中，因發哥非常照顧她，她大讚發哥「冇得頂」、人品又好、性格隨和。「南丫島這樣的窮鄉僻壤出咗個國際巨星，我當然好開心，佢光宗耀祖。能衝出香港發展亦都係佢個人嘅努力，能夠去到荷里活，數埋香港冇幾多人。」玲姐續道：「佢全世界嘅獎項都有、錢又有，今時今日仲攞埋四個字『反璞歸真』，要生活簡單並不簡單，平凡中見不平凡，呢啲叫做超然、逍遙自在，佢昇華到活出咗般若智慧。」
蜻蜓攝影師周聰玲平日最愛穿一身簡樸裝束通山跑，身為巨星的胞姊如此樸素可有壓力？玲姐堅定地說不會，因每個人都有自己的生活方式，穿戴名牌去荒山野嶺拍蜻蜓只會招惹麻煩。玲姐行山周身法寶，加上四周沙塵滾滾，為保護相機她更會為它捲上毛巾。同為攝影發燒友的發哥則喜愛與劉嘉玲及友人一早出發，5點鐘到大帽山影晨光第一線。談到大家都愛在山頭野生捕獲發哥兼自拍，個個都笑到「四萬咁口」，玲姐說發哥的手夠長，最鍾意與大家自拍，發哥更說戲迷是他的米飯班主，所以會視他們如家人一樣打成一片。
發哥重親情，對於發哥為玲姐置業，她心中有一句說話很想對發哥說：「我想講無言感激，一個親人照顧得自己咁好係一種福氣，好感恩。每個星期屋企人都會出嚟食飯、飲茶，都係由佢召集兼付款。對於佢人生中遇到嘅不如意事，我唔會出聲，甚至唔會打電話畀佢，因為佢身邊有好多顧問、精英、高人，我畀佢安靜已經足夠。」
雖然兩姐弟的年齡相距8載，但玲姐及發哥非常投契，又喜歡講笑。有一次玲姐用了《Happy Birthday》作為電話鈴聲，誰知發哥一聽到就著她不要隨便用，因為有些場面不方便，例如有人在靈堂三鞠躬，電話突然唱生日歌「實俾人炳」。
對於發哥公佈將來會把財富捐出，玲姐非常贊成，她認為能夠做善事，讓更多人受惠是福報，有如諾貝爾一樣，這種博愛精神是永垂不朽的。她續說：「有錢要回饋社會，一個人叻有咩用？世界係應該共融。我今年71歲，媽媽都已經97歲，我再冇咩特別追求，因為『精英向前衝，耆英退一步海闊天空』，我只希望能『日日好時光，快樂又健康』!」