王鶴棣豁出去化身「西瓜人」！內地綜藝節目《元氣滿滿的哥哥》中的捉迷藏環節大受歡迎，在即將播出的最新一集，憑新版《流星花園》飾演「道明寺」而人氣急升的21歲內地小鮮肉王鶴棣為免被人捉到，居然拋低偶像包袱，化身「西瓜人」！節目中，他不單止將俊臉加工變到圓碌碌，仲塗成綠色，連西瓜紋同椗都畫埋，似到網民都驚嘆：「他根本不是人，是西瓜！」王鶴棣亦都好醒目，選擇匿喺指定遊戲區域一間水果店的西瓜堆中，乍看之下同其他「真．西瓜」係一模一樣，成功融入其中。玩到咁盡，真係令人好期待王鶴棣下次又會扮啲乜！王鶴棣個造型似到網民都驚嘆佢根本唔係人，係西瓜本尊！真係望到條西瓜椗先認得出邊個係王鶴棣。王鶴棣原本係咁嘅樣。
