兩父子好似餅印一樣，愛流仲已經高過爸爸。41歲的日本型男演員窪塚洋介有一子一女，一直跟他住的大仔愛流(Airu)由前妻小Non所生，小Non跟窪塚於12年離婚，15年12月窪塚再娶巨乳舞蹈員PINKY，18年6月生下女兒AMATO。以往窪塚都會叫埋前妻一齊過聖誕。19年，愛流的16歲生日飯局，窪塚的前妻同現任都在場。雖然已另組家庭，但窪塚洋介同前妻關係仍然好好，無論聖誕定囝囝生日都會約埋食飯，係前妻同現任一齊食，非常之難得。已入行的愛流剛度過17歲生日，窪塚洋介又book返舊年同囝囝食生日飯的高級餐廳食晚飯，一家四口加個前妻同囝囝慶祝，成件事好有型。今年愛流17歲生日，人腳照舊。同父異母妹妹好黐哥哥。上月初，窪塚一家去咗沖繩渡假。
