斬雞謝票男友瞓覺唔撐場「浩南」鄭伊琪期待入行做綜藝

更新時間：17:42 2021-04-24 HKT
發佈時間：16:32 2021-04-24 HKT

浩南謂入行不怕誘惑，男友與她都好有信心。

ViuTV節目《最後一屆口罩小姐選舉》雙料冠軍鄭伊琪（浩南）曾承諾社交網超過4000個like會斬雞謝票，今日她現身街市找數。浩南表示獲得不少市民及粉絲到場支持，一個鐘內斬了10隻雞，雖則沒有斬雞經驗，但平時會斬煲湯材料，本身最叻煮中菜同煲湯，就連拍拖4年的男友也讚她廚藝叻。談到廚藝了得，是否為了箍住男友？她說：「我自己喜歡吃東西，一定要食嘢先會了解食。」
對於得獎後可會入行發展？浩南直言期待入行，跟ViuTV仍洽談中，但希望在綜藝節目方面發展，又笑言若不介意零演戲經驗也可作嘗試。問到男友何不到場支持？她說：「他仍睡覺中。（男友支持入行？）我參選時都唔會嚟，反而會睇playback，我有唔開心就會畀個膊頭我喊。（不怕誘惑，對你有信心？）對我好有信心，我對自己都好有信心。」