【頭條獨家】孔雀復活 懶理老婆呼籲Stay Home 倪震風騷會短髮索女
更新時間：12:32 2020-04-11
發佈時間：20:51 2020-04-08
發佈時間：20:51 2020-04-08
字體大小
取消希臘Trip
至今結婚11年，夫婦倆一直都愛得低調又平淡，莫講話於網上放閃，甚至一齊出街拍拖都好少見，直到去年1月「錫婚」，Vivian 先罕有於社交網貼合照晒幸福。而近年來，見倪震大多獨自外出買餸、跑步、濕平，或約啲中佬Friend食飯吹水，外間都以為他已經修心養性，專心從商，怎料，正當人人「Stay home」避炎，老婆又取消希臘Study trip，忙於喺屋企跟同學仔視像會議之際，上周六倪震被本報撞破於銅鑼灣私會一名後生短髮索女！
當日傍晚5點，戴上口罩和粗框眼鏡的倪震，與目測30歲、上半截面跟蘇皓兒神似的短髮女，一同現身銅鑼坊商場買台灣零食。雖然二人蒙晒面都冇人認得出，但見商場人來人往，倪震都即刻提高警覺，一雙手全程翹喺背後，非常小心。不過在揀芒果乾時，兩人塊面卻忽然哄到勁埋，短髮女更一度含情脈脈望實男方，態度親暱得儼如熱戀中的情侶！之後，他們又一齊快手指住盒芋頭酥，合拍到短髮女都忍唔住甜笑，博得紅顏一笑的倪震即心花怒放，笑到彎晒腰又𢱑頭！難為Vivian仲呼籲：「乖乖留在家，盡量不外出，保護自己保護別人是責任。」老公卻偷偷出去風流快活！
