【頭條獨家】首合作演乞人憎自私精 陳奐仁Cool又惡嚇親衛詩雅
更新時間:19:01 2020-05-21
發佈時間:19:00 2020-05-21
發佈時間:19:00 2020-05-21
詩雅今次演的「Joyce」同自己一樣都是無乜主見的人,「佢事業愛情一樣唔知自己想要啲咩,其實同我好似,除咗事業方面,工作上我係好有主見肯定自己想點,但其他嘢都係三分鐘熱度。」至於Hanjin就覺得同角色剛剛相反,甚至拍攝期間會憎自己,「我第一次演個自己咁唔鍾意嘅角色,好彩我啲對手好幫到我,一路都好憎我,連啲工作人員都好入戲,食食吓飯都會話衰人嚟嘅你,連Paul哥(秦沛演詩雅爸爸)傾傾吓偈,都會話你正衰人嚟,成日蝦我個女,唔同你傾偈。但係咁樣好無奈,可唔可以埋位前唔好提我係衰人,畀我enjoy埋塊雞扒先。」
正因為Hanjin都憎埋自己,所以開工自然心情唔多靚,搞到詩雅第一日開工就嚇親,「第一日見佢覺得佢好cool好惡,可能係拍大家嘅第一場,因為嗰場戲係嗌交,佢培養緊情緒,佢好似好嚴肅喎呢個演員,我就唔敢搞住佢,所以只係打咗個招呼,自我介紹一下就行開。(陳:對唔住嚇親你)唔係,但之後拍落發現佢唔係cool嘅。」
講到首做監製的林保怡,兩人都大讚他照顧周到,老友Hanjin更大爆他的投入程度,「我同佢拍過兩套戲,佢埋位之前好relax,好舒服嘅,一cut機呢仲未換衫,佢就話今晚我就安排咗大家去邊度食飯,但係做監製,佢乜都要照顧住,真係好似隻鷹咁,所以我收工都唔敢約佢。」
最Hit
59歲曾華倩赴台見舊拍檔狀態不如劇中阿媽?相差9年演其母如今變「美魔女」
2024-10-18 22:30
遊日注意|櫻島火山爆發煙柱高達4000米 鹿兒島縣宮崎縣多地料降火山灰
2024-10-19 02:38