【頭條獨家】被二汶踢走 巴打罷睇《造星III》 「翻版石原」Christine歌手夢未碎
更新時間：23:38 2020-12-04
發佈時間：21:00 2020-12-03
發佈時間：21:00 2020-12-03
字體大小
衰冇自信
至於比賽中輸啲乜？模特兒出身的Christine坦認缺乏自信，以致未能展現出自己的獨特性。談到10多年後重拾跳舞，要短時間內趕上大家的進度，Christine亦倍感壓力而數度爆喊，幸得戰友們指導，「Alan、陳葦璇都係出道好耐嘅歌手，喺佢哋身上吸收到好多唔同嘅經驗，參加比賽最緊要挑戰同超越自己，去到呢個階段已經當自己贏咗，無論心態、技能都提升好多。」由細夢想當歌手的她又謂勢必踩入樂壇，「我一定唔會放棄，呢個夢想已經堅持咗好耐，完咗比賽反而先係啱啱開始。」
對於被恨批是「花瓶」，Christine坦言外界對靚的既定印象是「乜都唔識、唔使點做」，但自己好畀心機去洗脫這個印象，亦一直有跟老師學唱歌。不過，當問到揀樣靚身材正定跳唱了得？她還是搞笑稱：「樣靚身材正，因為唱歌跳舞可以靠後天！」所謂樹大招風，有人歡喜的同時亦有Haters，提到石原粉絲轟她有辱女神兼哨牙，Christine自問不似神級的石原，也不敢跟對方比較，「睇到評論都係鬧嘅，有少少唔開心，但做得公眾人物就一定有好多唔同聲音，我會接受，可能某啲角度有少少哨牙，希望大家快啲睇到我真人啦，真人好啲，哈哈。」
