【頭條獨家】【《造星III》決賽花絮】自貼三甲不入一樣有壓力 Cloud自爆賽前一度爆喊

即時娛樂

更新時間：14:36 2020-12-29
發佈時間：19:10 2020-12-28

Cloud第一項演出先唱《Love Never Felt So Good》。

Cloud（雲浩影）最終在《全民造星III》奪得第4名，雖然在觀眾票選得到最高分，觀眾緣極佳的她，始終三甲不入，相信令一眾「迷雲黨」大跌眼鏡，不過大熱倒灶的她，維持她一貫佛系性格，對賽果好滿足，「今日（26日）好開心，終於分享到自己想做嘅事，例如彈琴，畀大家知道我嘅另一面，好爽！」不過，原來Cloud賽前一樣覺得好大壓力，搞到有不少負面情緒令她一度爆喊，「第一次有咁大個台表演，好多嘢都未Handle得最好，噚日（25日）先Finalized，所以有啲緊張同壓力。比賽前一晚我爆喊，覺得點解咁遲先搞掂晒。」不過樂天又傻更更的她，一覺瞓醒又冇事。採訪:杜淑霞、廖思慧

Cloud第二項演出，再演唱《彳亍》。

肥仔@ERROR都係「迷雲黨」（Cloud粉絲名），要合照集郵。

問到三甲是否其心水？Cloud思索了一會，「係呀！私底下我貼咗Ben（趙祥誠）同（陳）葦璇會贏㗎！」至於自己的名次，Cloud就笑笑口回答：「而家呢個位置（第4名）囉！我冇Expect自己入三甲，本身選曲方向到舞台呈現都唔係想爭勝，想贏就未必會揀呢首歌嘞！不過我好鍾意，好想同大家分享。」完成比賽後，Cloud最想Hea吓，「呢排太攰嘞！（行程）真係密密麻麻，好想有啲放空時間！」果然不負其花名「暈姨」！