【頭條獨家】新人王被質疑「乜水」冇所謂 阿Jer澎湃使命感:請支持香港樂壇
更新時間:18:15 2021-04-23 HKT
發佈時間:21:00 2021-04-22 HKT
發佈時間:21:00 2021-04-22 HKT
![阿Jer認為得獎後多了份使命感,希望令廣東歌樂壇可以變得更好。](https://image.hkhl.hk/f/1024p0/0x0/100/none/97a00329b914875b6429cd19fc601fa1/images/_2021042219395984800.jpg)
![阿Jer坦承作為新人,預了一定有人唔認識,所以唔會介意。](https://image.hkhl.hk/f/1024p0/0x0/100/none/07d07529cd7a43067c00b6a783bd4788/images/_2021042219395596920.jpg)
![阿Jer在《Chill Club》頒獎禮,奪得「年度新人獎」。](https://image.hkhl.hk/f/1024p0/0x0/100/none/9efe0da9db4bf1ec820612555ef46a51/images/_2021042219394542747.jpg)
《Chill Club》頒獎禮得獎後,阿Jer向《頭條》講感受,「今年成績好好,自己好開心,有好多係意想不到。上年做《物語》三部曲純粹為音樂meaning,冇諗過攞啲咩獎,得到大家支持同鼓勵,係好開心嘅,獎項只係bouns,最緊要嗰三首歌曲畀到力量唔同朋友,嚟緊目標都係再做多啲好歌,畀多啲能量大家,或者將一啲新朋友帶入嚟畀大家欣賞,好似同我合作新歌《狂人日記》嘅吳林峰,佢本身係個好好唱作人,希望大家關注我哋同時,都關注香港新一代音樂人,佢哋每位都好畀心機去做,佢哋嘅音樂好值得被關注,希望樂壇可以百花齊放,大家都睇番頒獎禮,聽番廣東歌,支持番我哋廣東歌樂壇啦!」
![阿Jer認為MIRROR現在高人氣,應該為樂壇多出分力。](https://image.hkhl.hk/f/1024p0/0x0/100/none/4f5aab7fd83ebb0d5890f6317a996e9a/images/_2021042219394914410.jpg)
![阿Jer新歌《狂人日記》rock味十足,是向偶像樂隊Queen致敬之作。](https://image.hkhl.hk/f/1024p0/0x0/100/none/2f5e483731e3dd22ab0a349cde2b9023/images/_2021042219395330036.jpg)
認攞獎後出歌有壓力
早前有指「樂壇已死」,音樂人王雙駿、小克和吳林峰即創作歌曲《樂壇已死》反擊,更搵來新一代歌手大合唱,去年得獎後曾被質疑的阿Jer亦有份獻聲,他認為演繹時沒想太多,但確實很想推動廣東歌樂壇進步,「「我上年做完《物語》系列後,去到年尾大家都話『你係乜水呀!唔識你呀!』我不嬲覺得自己係新人,有人唔識係好平常,我咪盡力做好我嘅作品,令到多啲人認識我。去到上年出咗《樂壇已死》呢首歌,我唱完『香港歌手不會死』大家都話『Jer,你好似帶起咗個樂壇革命,你令到大家聽番廣東歌,你好勁!有個使命感!』我去做呢件事時過程又冇諗咁多,呢首作品Carl叔叔(《樂壇已死》監製王雙駿)好想我喺嗰個位出現,我咪做囉!但都想慢慢推動到廣東歌樂壇再進步,多啲人去留意番,呢個一路係我做歌嘅宗旨!想將更多元素音樂帶入廣東歌度,呢樣我冇變過。」有人形容將會是MIRROR時代,阿Jer坦承得獎後多了份使命感,加上MIRROR人紅更應該為樂壇出多分力,「既然MIRROR每位成員都咁多人留意,我哋都有個使命去推動一啲嘢,例如香港裏面有好多創作歌手都好好,希望大家了解MIRROR之外,去嘗試接觸其他音樂,自己覺得有呢個使命,身邊我覺得有Talent嘅朋友盡量會搵佢哋合作。」
雖然已貴為樂壇新人王,但阿Jer製作新歌《狂人日記》時也有一定壓力,「我初頭有嘅,我製作完呢首歌準備出街嗰個禮拜,成班製作人話唔知首歌反應點,始終係首比較新音樂類型嘅歌曲,大眾口味未必會接受,過咗兩個禮拜,大家反應係『阿Jer你做到首咁正嘅歌』慢慢個信心提升咗,自從上年我經過咗頒奬禮,《物語》系列後,對自己音樂製作係大信心咗,無論係舞台上表演,同埋去演繹歌曲。我將自己鍾意聽嘅音樂擺喺我嘅歌曲度,原來大家都鍾意,經過咗《狂人日記》我更加放膽去做自己想做嘅音樂,我唔會理大眾鍾唔鍾意聽啦!我淨係做我自己鍾意嘅音樂。」講到製作新歌《狂人日記》,阿Jer勁興奮大讚製作過程超好玩,當中飆高音被樂迷認為夠晒癲,原來是他錄音時神來之筆,「寫呢首歌嘅時候冇話一定要我騷唱到幾多高音,但尾句有個高音,我錄音時feel free加落去,呢個位嚟一個高音,咁先夠癲嘛!橫跨16度喎!但以為好狂嘅時候,去到呢段我就靜落嚟,你就捉我唔到啦!」
最Hit
59歲梁朝偉舊愛罕現身!素顏回鄉祭祖被指斷崖式衰老 面上一特徵轉變大令人唏噓
2025-02-13 09:00 HKT
方力申宣布與葉萱結婚!強調自爆婚訊並非雙喜臨門 舊愛鄧麗欣六字回應
2025-02-14 18:17 HKT