頭條獨家丨陳熙蕊買蕉量入為出慳住使 行平價化妝品店齋試唔買
更新時間：22:10 2021-12-10
發佈時間：22:15 2021-12-10
發佈時間：22:15 2021-12-10
字體大小
現年28歲陳熙蕊（Blossom）於2019年參選港姐入行，雖然獲得不少演出機會，但知名度唔高，收入可想而知。為免入不敷支兼繼續演藝夢，她不但睇平價化妝品，行超市時更自行分拆生果，將一梳約十隻的香蕉摘下其中三隻，量入為出，惜食之餘又不會浪費金錢。採訪：梁志明
陳熙蕊參選港姐前曾任職美容顧問，又有個人頻道教化妝技巧，其後選港姐奪得「友誼小姐」，簽約TVB。入行兩年的她，獲安排在多套劇集中演出，不過都是行行企企角色，機會算多但未見突出。日前黃昏時分，她於銅鑼灣出席完活動後，未有換衫便準備返家，路過一間韓國品牌的平價化妝品店便入去睇眼線筆，見她在店內忽然脫下口罩整理，然後重新戴回，接着再拎起眼線筆試色，最後睇唔啱兩手空空離開。
睇產品標籤
其後，陳熙蕊再到附近的超市入貨，見她先走到生果貨架前，揀了幾個奇異果，然後再揀香蕉，不過她未有選擇已分拆好不同數量的香蕉，而是拎起一大梳蕉，再自行解體摘下其中三隻放入保鮮袋，其餘的香蕉則放回貨架上。之後她再去凍櫃揀急凍食品，見她逐款拎起望產品背面的標籤研究，食得健康。揀完生果及急凍食品，她再揀了一包菇便去找數，由於住得近，由超市行返屋企唔使五分鐘，付款後便將包裝菇放入手袋，左右手分別拎着兩包餃及生果就離開。
最Hit
徐淑敏再添新成員湊成「好」字 豪搞百日宴晒幸福：最好的禮物！
2024-11-06 19:00
第三屆深港澳青少年創意設計大賽啟動 蔡晋博士：以賽事匯聚力量
2024-11-06 17:30
《放學ICU》監製曾廣平不幸離世 「Gordon哥哥」蕭徽勇發文宣佈噩耗
2024-11-05 18:37