頭條獨家丨劉俊謙蔡思韵甜住互窒超風騷 情侶檔公開搲撈拍喜劇
發佈時間:22:30 2022-03-06
劉俊謙和蔡思韵首度情侶檔拍劇,在ViuTV 原創劇 《二月廿九》前傳《940920》中第三度合作。兩人拍住拖宣傳,在女友面前,阿謙表現得勁風騷,未開波訪問已被思韵寸似未食藥,到正式訪問時,兩人全程打情罵俏,互窒好煩好鬼搞笑。他們對於未來再合作仲唔覺膩,聲稱是「被文青耽誤的笑匠」的思韵,同自認是諧星的阿謙,更公開呼籲善心人搵他們合拍喜劇。採訪:杜杜 攝影:沈健程 髮型:Nick Lam@Orient4 化妝:WiLLWong(思韵)、CarmenC(謙) 服裝:Miu Miu(思韵)、Berluti(謙)
![思韵和阿謙外形合襯,觀眾都好接受他們經常情侶檔演出。 思韵和阿謙外形合襯,觀眾都好接受他們經常情侶檔演出。](https://image.hkhl.hk/f/1024p0/0x0/100/none/01619802c69f2156f1f40684868d4436/2022-03/0L8A0157_mh1645007666146.jpg)
在《940920》預告中,已公開會有兩個男主角「余家聰」出現,阿謙承認因有兩個時空關係,但大賣關子的他只肯透露:「今集雖然叫前傳,但對我嚟講都係個延續,大家憑造型會見到有啲分別,其中一個即係之前嘅『余家聰』,係哲學啲比較古板同理性,另一個從預告度睇,見佢着得比較花俏,可以估計吓人物性格係點。」思韵即答:「都係比較花俏囉!」阿謙搞笑話:「你好叻呀!到你介紹吓角色。」新加入該劇的思韵,飾演在大澳土生土長的「楚凝」,「預告透露咗個好重要訊息,我先至係『神聖幾何』會長,點解呢?又係要賣關子啦!」
![該劇最初計劃到台灣取景,但因疫情改回本地拍攝,阿謙和思韵都坦言有失望,因掛念台灣的朋友和美食。 該劇最初計劃到台灣取景,但因疫情改回本地拍攝,阿謙和思韵都坦言有失望,因掛念台灣的朋友和美食。](https://image.hkhl.hk/f/1024p0/0x0/100/none/94fa12f372f2e130dd91f2be339ea488/2022-03/01_3.jpg)
![今次「余家聰」多了個作家身份,跟Yeesa再續前緣。 今次「余家聰」多了個作家身份,跟Yeesa再續前緣。](https://image.hkhl.hk/f/1024p0/0x0/100/none/77d75895898036ee6160286035a091d8/2022-03/02_1.jpg)
![劇中飾演余子明孫女、在大澳土生土長的思韵,現實中原來是初次踏足大澳。 劇中飾演余子明孫女、在大澳土生土長的思韵,現實中原來是初次踏足大澳。](https://image.hkhl.hk/f/1024p0/0x0/100/none/f425eb3942223680ae8367794f458d13/2022-03/03_2.jpg)
問到兩個「余家聰」會否有不同對象?阿謙為免劇透只說:「感情線係幾錯綜複雜,唔止四角,因為有兩個『余家聰』係好亂,亦都唔止愛情,仲有好多其他千絲萬縷嘅嘢。」作為新丁的思韵坦承單睇這燒腦劇劇本都有困難,「首先我係第一次參與長劇,以前拍嘅都係短嘅。」風騷謙好爛咁插咀,「短嘅就係《短暫的婚姻》。」思韵忍不住,「笑咗,哈哈!今次係第一次拍長劇,仲要係個科幻愛情題材,個腦容量要更加大,我對平衡時空或者科幻嘢,了解唔係好多,對於我嚟講太複雜,睇完劇本後要聽導演講解,先至理解到成個故事。」連有經驗的阿謙最初都搞不掂,「今次比上次更加複雜,令我睇一次(劇本)唔係好睇得明,睇咗幾次同導演、編劇傾,先可以清楚返少少個劇本。」
![ Edit media 今輯「神聖幾何學會」繼續在車場取景,阿謙笑稱因生意愈來愈好,要避噪音拍攝有難度。 Edit media 今輯「神聖幾何學會」繼續在車場取景,阿謙笑稱因生意愈來愈好,要避噪音拍攝有難度。 ](https://image.hkhl.hk/f/1024p0/0x0/100/none/ca34a9db88f63119a56ce3f80cff775f/2022-03/04_2.jpg)
![日前阿謙、思韵聯同另一個女主角吳海昕為《940920》宣傳。 日前阿謙、思韵聯同另一個女主角吳海昕為《940920》宣傳。](https://image.hkhl.hk/f/1024p0/0x0/100/none/82af8d87cf0ce7fc321c5132416bc10a/2022-03/09_0.jpg)
![2020年播出的《二月廿九》,因劇情夠創新被網民封為「神劇」。 2020年播出的《二月廿九》,因劇情夠創新被網民封為「神劇」。](https://image.hkhl.hk/f/1024p0/0x0/100/none/2852f1e96ba4b36759f7ffbbe36467e1/2022-03/_03_71832868_2761523013892066_2951427270121619456_o.jpg)
被文青耽誤的笑匠
上輯「余家聰」瘋狂煲煙,令阿謙演得辛苦,問到今輯情況,他繼續賣關子,「到底余家聰係幾時食煙?呢個神秘面紗3月7號就知。」這次思韵都頂唔順話:「好煩呀!」追問思韵繼電影《幻愛》到舞台劇《午睡》後,再跟阿謙合作,會否都覺得好煩?她沒好氣話:「我慣咗!哈哈!」阿謙抵不住說:「你有所不知,佢都好煩㗎!佢當然有淑女、文藝一面,但佢其實好搞笑㗎!個人好幽默同風趣㗎!」思韵點頭話:「我個願望係拍喜劇㗎!哈哈!」笑問是否被文青耽誤了,阿謙即幫口,「呢個只係佢其中一面,佢有更加多元化面向,譬如搞笑!」思韵好肯定話:「我係俾文青耽誤嘅笑匠!」阿謙即大讚女友,「哈哈!你睇吓幾風趣,話自己笑匠呀!」思韵再說:「我係掩飾咗,所以我係高級啲,因為你(阿謙)大家都睇得出,所以低級啲。」阿謙說:「我只係諧星。」互窒一輪以為兩人怕了合作,他們反而勁興奮話OK,仲話好想合演喜劇,思韵說:「係呀!呼籲吓先!」阿謙更作公開呼籲:「各位善心人士,同你哋介紹返喜劇大師、笑匠………」經思韵提水後再講:「係被文青耽誤嘅笑匠蔡思韵,我係被人哋誤會咗嘅諧星,劉俊謙,唔好誤會我唔係諧星。」
![阿謙和思韵首度合作是訂情電影《幻愛》。 阿謙和思韵首度合作是訂情電影《幻愛》。](https://image.hkhl.hk/f/1024p0/0x0/100/none/2b3c84e7f3a3bc9f628d44463f09837e/2022-03/_05_lauchunhim.terrance_81122306_456276335114638_1086771058753083383_n.jpg)
![去年阿謙和思韵再度合作,齊主演舞台劇《午睡》。 去年阿謙和思韵再度合作,齊主演舞台劇《午睡》。](https://image.hkhl.hk/f/1024p0/0x0/100/none/e675f10b17195948fc18e0703b3bae63/2022-03/136701121_408922467194007_5688914435942915255_n.jpg)
兩人打情罵俏,問他們拍拖後合作有何分別,風騷謙又嚟:「我覺得個分別就係拍咗拖。」思韵認真說:「分別係更加直接去表達同埋溝通。」阿謙同意,「冇咁多,特別係啱啱嗰時,𠵱家相對會溝通直接啲。」但他們否認因為太直接表達,引起對方誤會或拗撬,阿謙說:「當然有時會有意見不合,但係我哋都會傾,始終兩個人邊可能完全一樣。」思韵亦認同,「如果完全唔會有意見,唔會有分歧,係冇乜可能,寧願有乜嘢表達出嚟,其實對個戲,或者演員溝通上係更加好。」兩人又謂,就算見到另一半跟其他對手有親密戲份,也不會避忌或尷尬,思韵說:「我唔排除有避席呢個可能,但係我唔係為咗自己,係為咗現場嘅對手演員,想大家都Run得舒服啲,唔在場可能對於件事好啲。」
![疫情下工作受影響,兩人爭取時間裝備自己,齊行山運動。 疫情下工作受影響,兩人爭取時間裝備自己,齊行山運動。](https://image.hkhl.hk/f/1024p0/0x0/100/none/995403a1d22069ccf4f517a136beadaf/2022-03/273965098_1086654221898252_1277965893395255221_n.jpg)
![兩人重返訂情電影《幻愛》場景,屯門碼頭拍拖。 兩人重返訂情電影《幻愛》場景,屯門碼頭拍拖。](https://image.hkhl.hk/f/1024p0/0x0/100/none/7a05444c690feae77c3ca607c4378861/2022-03/272969711_664583394569904_469043394540057234_n.jpg)
更多第5波疫情資訊,請到以下專頁瀏覽按此https://bit.ly/3JqiBzz
立即下載 | 全新《星島頭條》APP :https://bit.ly/3yLrgYZ