曾路得證實患乳癌又疑患肝癌陷入人生低點唔知要醫邊樣先

更新時間：12:30 2022-09-06
發佈時間：12:30 2022-09-06

當年因為一首《天各一方》而唱到街知巷聞的資深音樂人曾路得（Ruth），雖然她早已定居加拿大，不過依然很關心香港的生活，今年她與俞琤重新演繹歌曲《天各一方》的影片向醫護人員致敬兼打氣，早前還接受陳圖安主持的《安哥同樂會》訪問。

曾路得在2006年證實患上乳癌，雖然治療的過程一點都不好過，但幸好有信仰支持，最後總算康復過來。她在訪問中重提當日被診斷患乳癌一事，她直言最令她受挫嘅係同時懷疑患肝癌，「知道乳癌唔係最慘嘅事，因為乳癌係最易醫嘅一個癌症，所以我自己唔覺得係一件好難過嘅事，咁多人都有，係咪先？不過嗰時醫生在言，我唔係單止係乳癌，仲話我係有肝癌，嗰時真係晴天霹靂，係人生嘅低點，到底我係邊樣癌先？要醫邊樣先？抑或係已經擴散到全身？嗰時咩都唔知。」

Ruth當時曾經向神求助，但未有得到任何指引，不過她仍決定將事件交給神安排：「之後再去驗清楚，醫生話我個肝無事，嗰一刻真係好感恩、好開心，同神講多謝咗佢只係將乳癌畀咗我，所以喺成個療程，我係冇一日係唔開心，每一日都好感恩，真係要咁樣過日子，唔可以日日喺度怨天尤人，我一樣係做晒嗰啲化療，但係我有一個信念，係辛苦，不過係會過去。」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ