江嘉敏壓力爆煲生粒粒 唔肯除罩影相 趁放假休養生息
發佈時間：22:30 2022-09-19
陳敏之、江嘉敏及袁文杰等今日出席劇集《黯夜守護者》宣傳活動。一班演員活動上大玩信任遊戲時，江嘉敏先自嘲自己瞓在台上的話，個台會冧，之後當陳敏之托起江嘉敏雙腳時，即大叫：「好重呀！」場面搞笑。
【點擊睇江嘉敏生紅點】：
最近有報道指江嘉敏因壓力爆煲，以致皮膚毛囊閉塞致全臉生粒粒，今日見她的心口有很多紅點之餘，亦不肯除口罩拍照，她受訪時指情況已維持了約兩個月：「拍完《黃金萬両》即刻去睇醫生，冇講幾時先好返，暫時都只係食抗生素同搽藥膏，但應該可以處理到。（會唔會休息？）趁而家唔使開工休息調理身體。」
提到最近有網民批評她在《黯》演少女時聲音作狀兼扮後生很趕客，江嘉敏指沒有看過評論，亦直言扮學生不吃力：「都係切合返個角色，劇入面對住媽咪同開live係兩個唔同的語氣，現實中開Live都一直定會精神啲。（俾人話有冇唔開心？）冇！」而劇中身為江嘉敏媽媽的陳敏之，就認為江嘉敏在劇中性格與真人有點相似，更力撐她演得令人感到舒服和可愛。
另外，陳敏之早前公開一條幫師妹買旗的影片後被網民圍插，怒數三宗罪，指她不戴口罩、捐10元出手低，以及不落車沒禮貌。敏之指覺得這是一件小事，當時心態只是看到「東華」師妹在賣旗，覺得她很乖很sweet，故想借該短片呼籲大家做善事以及讚賞師妹：「當時我喺車度所以冇戴口罩，當然我對住佢冇戴係唔啱，下次會留意。」
對於被指出手低，敏之則表示當時車內只得10 蚊：「好老實，就算我捐100蚊或者500蚊都會有人鬧，我滿足唔到人類嘅感覺，你鍾意我就覺得我好，你唔鍾意我，我捐1,000萬你都會覺得我造作，社會可唔可以平和啲？」她又希望大家在評論別人前，能先問自己是否有做到這些事，「我去買旗，捐幾多錢，你有冇做過先？做咗先去討論，我希望大家做多啲有建設性、有營養的嘢。」
【其他閱讀】
劉德華哈爾濱被野生捕獲 《天若有情》華Dee造型再現網民驚訝冇老過
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
