陳煒結婚丨三錫醫生老公！愛的宣言感動全場 恩師一舉動成陳煒演藝路推手
發佈時間：15:02 2022-09-27
昨晚（26日）陳煒於尖沙咀半島酒店Garden suite設宴出嫁，與陳國強醫生簽字結為夫婦，大批圈中人到賀，當中包括與陳煒於亞視時期已結緣的鮑起靜、江美儀、鄭則仕及姜皓文等。陳煒穿上長袖透視蕾絲婚紗，由恩師鄭偉強拖入會場，鄭偉強更叮囑陳國強要好好對待陳煒：「你一定要好好對佢，如果唔係我唔會放過你。You are a lucky guy！」一對新人在眾親友見證下交換戒指，並三度接吻，氣氛浪漫溫馨。
【相關閱讀】陳煒穿水晶婚紗配珍珠飾物高貴現身！大方與老公錫錫畀傳媒任影
【點擊睇陳煒婚禮場內照Part 2】
陳煒致詞時特別感謝恩師鄭偉強：「喺呢度無人比佢夠有資格。因為佢係主宰我呢26年嘅演藝人生嘅好重要嘅一個人，當年如果唔係佢喺垃圾桶執返我份報名亞洲小姐履歷資料，就肯定冇今日嘅陳煒。 」另外，TVB高層樂易玲及曾勵珍亦有到場祝賀一對新人，陳煒亦多謝甚少出席藝人婚禮的曾勵珍，抽空出席她的婚禮。而最後提到於亞視時期已結緣的鮑起靜，感謝對方出席時，鮑起靜亦感動到眼濕濕。
新郎陳國強向太太說出「愛的宣言」，感動全場：「我想講，我以前叫佢Honey，但今日之後會改口，叫佢陳太或者老婆。過往佢陪伴咗我4年，呢段時間係我人生中，最開心嘅日子，多謝你，I love you！同埋我想喺呢度回應佢之前講50年不變嘅報道，我喺度講我係會50年+1日不變，嚟緊呢段時間都會錫你、寵你、愛你！」陳煒亦大讚對方是個細心的好丈夫。而婚禮最後的拋花球環節，只有在場兩位單身女士參與，朱晨麗最後爭贏江美儀奪得花球！
【其他文章】
王曼喜出嫁老竇王敏德勁興奮開金口唱歌跳舞 婚禮有彩虹見證超感人
深宵閃避球丨鄭伊健出席首映禮全場狂舉機影偶像 fans唱歌賀偶像牛一
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
