美麗戰場｜何依婷首演反派面目猙獰奸到出汗狂鬧方力申「廢柴」自毀形象

即時娛樂

更新時間：13:30 2022-10-27
發佈時間：13:30 2022-10-27

一向形象清純的何依婷，這次破天荒在《美麗戰場》中飾演心計千金子珊，昨晚第18集直踩阿哥屋企攤牌一幕，更將其陰暗面「晒冷」。更不失拋開過往仙氣的形象，在鏡頭面前展露兇狠表情交足貨！

相關閱讀：美麗戰場｜姜大衛威脅阿仔離婚氣勢嚇人奸到入血眼神識殺人演技壓倒勝

【點擊逐格睇何依婷有幾咁面目猙獰】：

今次呢場黑化戲，何依婷開口埋口話阿哥方力申「廢柴」，臨離開前一時笑住、一時聲嘶力竭爆 Seed 鬧爆阿哥一幕更是相當吸睛：「阿哥咁又點呀？邊個叫你咁廢呀？」、「我哋都係姓龐架，點解個天要對我咁唔公平？！」、「我等咗好耐，等你畀爹哋踢出龐家，終於畀我等到囉，知唔知我幾咁開心，我每晚發夢都笑醒呀」。說畢再拋出超狠眼神準備離去，並字字鏗鏘對宇少作最後警告：「如你夠膽唔嚟，我保證你以後冇好日子過！」

何依婷事後透露與葉念琛見面傾劇本時，對方已給了她實用的「奸角貼士」：「佢提我唔好覺得自己奸，因為冇一個奸角會覺得自己係奸嘅，佢哋都係以自己嘅利益出發。」依婷又指葉導在拍攝現場亦會不斷給她意見及為她作出調整，確保拍出最好質素，依婷感謝葉導謂：「佢好細心，希望出嚟效果大家都會覺得有驚喜。」

【其他文章】：

唐詩詠陳年《四葉草》舊照被翻出同19年前姚子羚文青Look鬥「娘」

古天樂搬辦公室催財運請高層要夾八字靠風水陣風山水起

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ