余德丞首度講世界盃不停問球迷頂唔順爆粗怒插：家陣做訪問咩

更新時間：17:00 2022-11-21
發佈時間：17:00 2022-11-21

四年一度的世界盃昨晚（20日）開鑼，今屆揭幕戰為主辦國卡塔爾對厄瓜多爾，ViuTV昨晚直播開幕禮兼揭幕戰，過往曾擔任體育記者的余德丞有份主持兼旁述。不過似乎因為首次主持世界盃太緊張，不慎出現蝦碌情況，當時開幕禮上眾舞蹈員表演1998法國世界盃主題曲《La Copa De La Vida（The Cup of Life）》，不慎將歌手Ricky Martin講成Robbie Williams，但相隔數分鐘已作出糾正。為開幕禮作旁述順利過關，但到揭幕戰講波時段，余德丞被網民喪插表演差。

【點擊睇余德丞講波被怒插】：

今日凌晨揭幕戰舉行期間，有連登仔爆粗開post喪插余德丞：「講波你就講啦，做訪問咩家陣，下下問人點睇，聽你講真係悶X到X咁！」事緣余德丞在講波期間，多次問其他評述員「你點睇？」結果令觀眾覺得煩燥。雖然有不少網民認為樓主搶口，但開post相隔十多小時，帖文已有逾700正評，似乎有部份觀眾對余德丞相當不滿。

網民留言勁踩余德丞：「講嘢好冇氣氛，淨係識問問問。」、「聽咗廿分鐘問咗人4、5次」、「頂唔順佢訪問式講波。」又有人表示他語速太急：「練係有練過，但唔夾now班評述員，講嘢好急好用力。」也有人為余德丞抱不平：「主要係場波悶，啲人你又唔識，所以留意個旁述」、「公道啲講，香港講波風氣係咁，英文旁述真係講場波，畫面影乜就講乜。」

【其他閱讀】：

大S追前夫500萬生活費汪小菲遭扣押資產爆粗貼4000萬使費清單反擊

馬德鐘學霸太太張筱蘭近照變咗樣？結婚29年曾因一事傳婚變

葉翠翠晒9千萬3千呎豪宅飯廳設巨型聖誕樹擁私人花園大到可放波波池加泳池

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ