高海寧爸爸型爆曝光被指撞樣黃霑 餅印媽咪五官靚過高Ling
發佈時間：17:30 2022-11-30
高海寧 (高Ling)是圈中出名的孝順女，向來與屋企人感情好好，每逢大時大節，又或者生日這些重要日子， 她一定會一家人坐低食飯慶祝，昨日（29日）她在社交平台貼與爸爸的合照，預祝為他慶祝生日：「不想錯過你的生日，預先為你慶祝。老豆，生日快樂！有個人馬座老豆係好好玩既 #1212」看見高Ling搣爸爸面珠的相片，他流露出一副慈父樣，感覺相當溫馨，有網民就留言表示覺得高Ling爸爸與才子黃霑有幾分相似！不過高Ling媽媽的顏值亦相當高，有網民睇完大合照，大讚高Ling盡得媽咪的真傳，相信高媽媽後生的時候是靚女，現在看來亦相當後生！
【點擊睇高Ling與家人溫馨合照】：
出生於南京的高Ling，小時候因家境不太富有，父母因為工作關係，自小跟婆婆一齊生活，直至中一才來港與家人團聚，一家五口租住旺角的細單位，父母在女人街擺檔賣銀器做小販養起頭家。為一圓家人夢想，加上想賺大錢養家，2008年高Ling走去選港姐後入行，但最初收入不多，父母依舊要在女人街擺檔搵食，爸爸更試過涉嫌賣假銀器而被海關拘捕，搞到高Ling又驚又內疚，試過自責地說：「我覺得自己做極都養唔到屋企人，我好想父母唔使再喺女人街擺檔，夏天太熱，女人街咁焗成四十度都有，太辛苦啦！屋企有兩個細佬讀緊書，又要供樓、供車，我會努力養起頭家！」
近年高Ling默默接job賺錢，在2015年成功上車做業主，將租金全歸屋企人，而且每月給父母5位數家用，還供兩位弟弟讀書以及供養身在內地的婆婆，近年高海寧北上發展，有指她在內地工作3個月便已賺取高達7位數的收入，吸金力可謂相當驚人！
【其他閱讀】
「御用有錢人」黃子雄滿頭白髮與女伴搭港鐵被捕獲 單身多年曾稱：港女唔揀我
盤點公屋成長藝人！兩巨星屋邨長大曾遭火燒木屋 華姐冠軍係黃大仙街坊
陳冠希父母43年前舊照遭瘋傳 雙親顏值驚艷網民：神顏基因強大
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
