譚玉瑛重提被嫌老遭勸退主持兒童節目：我都唔後生，我就應該消失
發佈時間：20:30 2022-12-05
兒童節目元老級代表人物、現年59歲的譚玉瑛由1982年開始主持兒童節目《430穿梭機》、《閃電傳真機》、《至NET小人類》、《放學ICU》，確實陪伴了不少70後、80後、90後及千禧後的香港人成長，雖然譚玉瑛姐姐已經退出兒童節目行列，但她依然成為不少人的集體回憶。日前譚玉瑛接受《香港演藝人協會》訪問。有不少藝人很抗拒與小朋友和動物合作，覺得是最難控制，但對譚玉瑛姐姐來說，當然冇難度：「我對小朋友同老人家嘅寬容度係特別大，同佢哋相處要先明白佢哋嘅特質，同佢哋講嘢係必需要簡單、清楚。好似玩遊戲咁，你叫小朋友安靜，專係有1、2個係唔安靜，我會用一啲方法，揀佢出嚟，特別欣賞佢，叫佢幫我管住後面啲人，咁佢就即刻施展渾身解數去滿足你嘅要求。」
【點擊重溫做兒童節目嘅譚玉瑛姐姐】：
不過到了2014年，當時TVB以兒童節目主持人年輕化為由，譚玉瑛退出兒童節目主持之列，當時影完《放學ICU》最後一集，一眾主持向她送上蛋糕，譚玉瑛曾稱這是完美的結束。事隔8年，譚玉瑛回憶當時的情況，霎時間要離開工作多年的崗位，譚玉瑛坦言一定會不捨得：「嗰陣我係採取靜俏俏嘅態度，冇講畀身邊任何一個人知，以前我會放好多茶葉喺公司，我就靜悄悄拎走所有茶葉，清咗個locker啲嘢，到第二個禮拜唔返工，大家就知道我唔再喺度做。」可惜紙包不住火，最終於都畀人知道：「Sandy即刻搵我，可能佢以為我主動同記者講，總之唔係好開心咁，佢上司又話佢做咩搞到件事咁。」
至於會否重返兒童節目主持崗位？譚玉瑛直言：「唔會喇，我唔會想再返去做兒童節目，其實之後有另一間電視台搵，但係我一口拒絕，可能因為我懶，嗰陣我冇再做兒童節目，我諗由10幾歲開始做到而家，做咗幾十年，好多人都冇我咁勤力，我唔做嘢都唔係寄生蟲啩，當時我係咁諗。」其後因為喜歡飲食、飲酒，所以譚玉瑛姐姐樂意轉做飲食節目主持。
【其他文章】：
天王化身小粉絲捧愛女場！劉德華低調與老婆朱麗倩睇10歲女表演 同場家長讚親切又凍齡
72歲李龍基與「索妻」相差30年冇代溝 staycation晒出浴照勁吸睛
麥明詩被嘲與新歡坐經濟位去旅行勁cheap抵畀人影 為保戀情高EQ反擊
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
