佘詩曼克服雞仔聲首推單曲入行25年獻聲感激身邊人

更新時間：20:30 2022-12-23
發佈時間：20:30 2022-12-23

佘詩曼出道初期被批「雞仔聲」，曾一度有退出娛樂圈的念頭，後來經多位前輩教導才慢慢了解何謂演技，說對白時用聲亦改善不少。出道至今25年，早已成為視后，演技獲得肯定的她，為答謝一路以來支持及陪伴她的人，特別推出首支個人單曲《前排位置》。

【點擊睇佘詩曼MV花絮照】：

鮮有獻唱的佘詩曼過往雖然曾為主演劇集唱主題曲或插曲，但推出與劇集無關的單曲卻是首次。佘詩曼於IG分享：「今次試吓新搞作，玩憑歌寄意，話晒入行25年，點都有少少感觸；能夠成為今日的我，單憑我一己之力，絕對冇可能做到。要多謝嘅人實在太多太多！有包容我嘅家人、保護我嘅朋友、鍾意我嘅觀眾、為我無條件付出嘅支持者、當然最重要嘅係給我機會及一起共事嘅每一個你！慶幸沿途有你，珍惜你嘅出現，感謝你哋成就了我，永遠給我『前排位置』。所以忽發奇想，將我心入面嘅感激同心聲都寄意於歌詞裡，嵌在音符上，送給我遇到嘅每一個你！一份遲來的25周年紀念禮，希望你們鍾意。」

對於今次出歌，佘詩曼笑言：「真的無諗過自己會咁做，好大膽，要將一隻歌唱得好聽已經好難，但係原來由構思去到製成品，呢個過程仲難。其實隻歌原先打算七月出街，點知搞到而家先正式完成，好彩仲趕得切喺2022年送俾大家！我希望多謝曾經出現、陪伴支持、愛護我的每一個你之外，大家聽完首歌，都要感激永遠放你喺最前排位置嘅人。」

【其他文章】：

41歲唐寧浸溫泉罕露白滑美背移居紐西蘭化身線上導遊周圍去

41歲劉心悠近照鼻頭離奇起角被嘲「木偶鼻」網民質疑變晒樣

張國榮摯愛唐鶴德聖誕樹旁擺頭貼頭搭肩合照「哥迷」讚浪漫甜蜜笑得靚

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ