56歲林利自揭台灣發展時曾被人淋屎：唔可以Say No 仲要Sorry兼賠錢
發佈時間：14:00 2023-01-01
現時56歲的林利1982年參加《新秀歌唱大賽》後出道，雖然最終沒有獎項，但最後亦被公司看中，簽約正式出道做歌手，與胡渭康、孫明光組成男子組合「小虎隊」。但好景不常，最後小虎隊在發展不理想之下決定解散，成團企一年時間。
日前林利接受港台節目《一起走過》訪問，憶述入行40年的高高低低，更親述當年到台灣改名為「林立洋」發展，最終林利成功轉型做演員，曾參演過多部當地電視台的劇集。不過由於當時林利亦有暫時轉行做其他的工作，例如侍應和健身中心等，但卻被香港傳媒影容為「撈唔掂」、「窮到燶」，林利說：「好多人講我好唔掂要轉行，不嬲對人生好平淡、簡單，唔想同人爭嘢，眼見唔少人事變動，令我變得冇安全感，成日等人打嚟畀通告係好辛苦，於是把心一橫去搵工做。」
相關閱讀：獨家丨林利年過半百唔想離婚孤獨終老 用愛「教」好老婆承諾房事會盡力
【點擊睇林利及愛妻靚相】：
林利在訪問時透露當時被一間連鎖式健身中心的老闆看中，很快就升職擔任旗艦店店長，不過卻面對過不少較可怕的經驗：「服務業原來好難做，尤其係會員制，試過畀一個外國人因為廁所塞咗，佢將排泄物屙落毛巾，跟住掉落我身上，服務業係唔可以Say No，客人跌倒要講Sorry又要賠錢，有好多奇奇怪怪嘢。」
做服務業能屈能伸，林利與結婚三年的年輕太太陳貞均屢傳婚變，早前更加傳出二人性生活不協調而公開鬧翻，不過近日又一起去泰國度假，又在台灣當地遊覽，分享的相片中又變回恩愛夫妻。對此，林利亦表示太太較自己年輕十幾年，仍有很多東西需要磨合：「呢十年我要照顧媽媽，少咗返去台灣，呢段時間坐疫情監前後130日，兩邊走攰到不得了，老婆實會耍吓脾氣，成日都見唔到好似有名無實，會有好多嘢傳出嚟，佢啲朋友又會有嘢講，咁老婆始終需要𠱁同包容相處，只不過係大家冇溝通，好多時變咗估估吓，信任度就差咗，呢一、兩年就好啲，唔係報道寫得咁嚴重，而且仲越嚟越好。」
【其他文章】：
前TVB主播陳嘉倩短裙黑絲美腿送別2022 搵幸運兒送禮網民望真人上門表誠意
2022年25名猛將離巢TVB 鄭裕玲等多人改投HOY TV 「御用醫生」做返老本行
2022回顧｜19位名人藝人逝世 TVB資深演員瞞病情猝逝令人疼心 曾江酒店倒斃震驚全港
