許志安開腔談低谷到復出 認沉寂期感迷惘：傷痕喺人生中有幫助
發佈時間：12:30 2023-01-27
許志安於2019年4月爆出「安心」事件，休息三年終於在去年加盟環球唱片，推出新歌《人與人之間》正式回歸樂壇。日前，他到電台接受訪問兼宣傳新歌，大方分享沉寂期間的心路歷程。
【點擊睇許志安復出心路歷程】：
受訪期間，許志安透露新曲《人與人之間》花了三至四個月製作，歌曲簡單描寫人的一生，當中他最喜歡的一句歌詞是「平靜出生／平靜出殯」，又認為人生就是如此簡單，當中有悲歡離合及甜酸苦辣，自己想表達的都一律寫在歌詞之中。許志安續道：「如果你喺當下好專注去做一件事，絕對會改變你未來嘅路。好多時候啲人都會諗未來有一個咩目標畀自己，或者尋日發生咗件事，所以我有少少唔開心，但如果喺當下你捉緊嗰個專注，其實嗰樣嘢就係你未來嘅珍貴地方。」
談到歷盡低谷再次面對傳媒，許志安表示會順其自然地去走每一步，並謂：「原來唔係認識自己好深，直至最近呢幾年，我覺得認識自己深咗。」他續指，疫情間多了時間思考，認為人應該要活在當下：「呢個世界發生緊嘅嘢都可能要停一停落嚟諗一諗，自己其實係點，我覺得對於我自己喺沉澱當中係一個好大嘅得著。」被問到這段時間有否一刻迷惘過？許志安說：「喺一段時間我會有嘅！」
那麼可有機會再次重新踏上舞台與樂迷見面？許志安說：「喺沉澱過程中又覺得呢樣嘢係冇得預計，反而係沉澱過後你有幾大信心，譬如你辣到手嗰個傷痕究竟你望住佢嘅時候係乜嘢感覺。傷痕會好清楚喺人生中有幫助，因為辣到過之後你會睇法唔同咗。」
【其他文章】：
東張女神出動！李旻芳孖老公訪問行斜路 激凸貼身黑tee「彈下彈下」
薛凱琪北上搵食回港探父母 激似BenSir餅印爸爸曝光 分開團聚原來早已分居？
「失蹤」港姐冠軍張舒雅近況曝光！37歲撞樣莊鍶敏上豪華遊艇住九龍塘豪宅父親家底豐厚
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
