程可為堅拒結婚唔覺係一種幸福 拒認係富婆：如果係就唔使喺TVB捱
發佈時間：14:00 2023-02-07
人稱「程大姑」的72歲資深演員程可為原來兩年前與TVB約滿，目前以自由身工作，1972年入行的程可為在1983年因為移民而離開了電視圈十多年，因為太愛演戲的關係，最後1996年回流返港繼續拍戲，結果一拍就拍咗27年，雖然復出拍劇多次被安排飾演媽媽或長輩的角色，但她一點都不介意：「我覺得演員係咩角色都要擔任，好似讀訓練班嗰陣，老師陳有后話『有一個角色，你哋喜歡做就舉手。』，跟住佢話要演一個死屍，冇同學願意舉手，我就第一個舉手。你如果唔踏出第一步，點會有人會留意你呢？你爭取咗呢個機會，起碼有人留意咗你個名先，好唔好戲就另議。」
【相關文章】：
72歲程可為約滿TVB自由身接job 坦認有一段時間心情好難過
【點擊睇程可為美食之旅相】：
有「御用阿媽」之稱的程可為，在現實生活中，因小時候經常見到父母鬧交，令她一直不相信婚姻，她曾經在訪問上表示由於爹爸爸有幾個太太，但她們會經常出現爭執，媽媽與爸爸亦經常為了一些瑣碎事吵架，令她自小就覺得婚姻不是一件美滿的事，所以多年來堅守「不婚主義」，很享受一個人生活的自由，曾經拒絕過兩個男朋友的求婚，堅持不靠男人靠自己，寧願打一世工就好了！近年亦有不少人追問這問題，程可為亦不忌諱地說：「我點解要做媽媽？我至憎結婚，唔好同我講結婚，而家咁老都唔想結婚，我從來都冇諗過，亦唔覺得係一種幸福。
同時，程可為是圈中出名的富婆，經常出入「富豪飯堂」之稱的「福臨門」，不過她曾在訪問上否認此事並笑說：「如果係就唔使喺TVB捱，真係慘囉，搞到稅局以為我真係有幾千萬，人哋舖頭係買好多富貴餐，有鮑魚、雞鮑翅、炆鵝掌同花膠，咁你會唔會日日都食呢啲?食得多我都死咗，仲邊度可以咁精神坐喺度！」程可為謙稱自己只不過是一個喜歡享受的人，即使賺了$1,000，都可以大膽食$700：「每個人都有佢哋鍾意做嘅事，我身上冇名牌，因為我唔好打扮，我剩係鍾意食嘢，冇罪架，而且多數係人哋請我，我好少請人，唔通叫多咗就唔食咩？埋單走喇！我唔得囉，做唔到，亦都有朋友批評我點解要拎走，如果倒咗佢咪好嘥？點解要嘥咗啲嘢？」
【其他文章】：
楊思琦仙氣古裝回春似18歲！驚見撞樣多位女星 網民：淨係唔似自己
51歲藤原紀香近照曝光！和服Look仙氣逼人超凍齡 曾傳唐季禮郭富城為她爭風呷醋
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
