陳曼娜受眼疾困擾視力得返一半身家豐厚最愛大宴親朋豪宅飽覽維港靚景

更新時間：15:00 2023-03-15
發佈時間：15:00 2023-03-15

72歲「億萬富婆」陳曼娜（Manna）向來保養得宜，依然身體壯健而且保持貴氣，雖然她近年減少在幕前的演出，湊孫為樂兼享受人生，不過遇到合適的劇本，依然會答允演出。日前她出席MakerVille原創劇《飛黃騰達》拜神儀式，自爆受眼疾困擾三十多年，多年來處於半盲狀態！

【點擊睇陳曼娜豪宅相】：

陳曼娜表示30多前去了做矯視手術，殊不知手術失敗，令她大受打擊：「我視網膜脫落咗，視力得返一半，對我打擊好大，唔知將來會係點，每日以淚洗面，對我身心傷害好大，但諗起家人就唯有撐落去，喺呢三十年我視力好差，而且因為咁我經常跌親。結果我搵咗另一個醫生，佢幫我救返隻左眼。」

幸好醫學昌明，陳曼娜終於有曙光「我啱啱見完醫生，過兩日醫生會幫我做一個手術，用最新科技將隱形眼鏡導入隻眼裡面，完成咗之後，我唔使再戴近眼鏡，視力就會清楚啲。一路以來，我受視力影響，好多識我嘅朋友同我打招呼，我都望佢哋唔到，令到佢哋以為我扮晒嘢，就係產生咗好多誤會出嚟。希望過兩日做完手術，可以再睇得到靚仔啦！」

入行超過50年的陳曼娜，曾經是TVB「御用闊太」，經常飾演一些尖酸刻薄的闊太角色，現實生活中，投資有道的陳曼娜，有傳靠炒樓致富，身家早已過億，而一對子女亦是尖子學霸，兒子Allen畢業於名校史丹福及哈佛，是美國專責心臟移植外科醫生，女兒則是牙科博士，可謂一門雙傑！

早前陳曼娜專程飛到美國紐約探望兒子一家，盡享天倫之樂，其後她在社交平台貼上兒子家中的相片，見到全屋裝修風格非常時尚，以淺色為主，簡約而有格調，空間感極大，花園內有私人大泳池，同時種植了不少花草樹木，環境令人心曠神怡。不過她在香港的住2,500呎海景豪宅亦不遜色，屋內間格闊落，飯廳擺了一張大圓枱，10多人齊齊食飯都沒有問題，不過最吸晴的當然是飯廳的落地大玻璃，飽覽無敵維港靚景。