CHILL CLUB｜Lokman@MIRROR親回林俊傑彈鐘事件：唔係unfollow，係未follow

ViuTV舉辦的《CHILL CLUB推介榜 年度推介22/23》音樂頒獎禮將於5月7日在亞洲國際博覽館舉行。今日一眾歌手如MIRROR正副隊長楊樂文（Lokman）、江𤒹生（AK）、謝安琪、保錡、許廷鏗、洪嘉豪及COLLAR隊長沈貞巧（Gao）、許軼（Day）、王家晴（Candy）等超過50組歌手出席頒獎禮記者會，非常墟撼。

今年共設立16個項目奬項，當中包括4項歌曲歌、7項個人奬、4項幕後奬及”Genre of The Year”大奬，而今年亦首次以音樂風格劃分奬項，設立「流行歌曲獎」、「搖滾歌曲奬」、「節奏藍調歌曲奬」及「另類歌曲」，而”Genre of The Year”由本地及海外專業人組成的評審團以一人一票形式，透過以上4項歌曲奬得奬作品選出。

【點擊睇記者會盛況】：

MIRROR及其成員分別有7首歌入圍「年度歌曲奬」，當中包括MIRROR《We All Are》、陳卓賢（Ian）《留一天與你喘息》、《地球上的最後一朶花》、Anson Lo（AL）《永順街39號》、姜濤《作品的說話》、Jeremy 《阿波羅》及Jer《坐看雲起時》。另外，MIRROR入圍「年度組合奬」；王智德、Jeremy分別入圍「新人男歌手奬」、Ian入圍「唱作歌手獎」；至於Jeremy 、王智德、AK、姜濤、AL、Ian、Jer及Edan則入圍「年度男歌手奬」共19個獎項， 問到Lokman及AK會否出現MIRROR成員內部競爭情況，他們指不只MIRROR，其他人也是勁敵，但他們對奬項並沒有看得太重，最重要也是專心做好作品，而AK則指今次頒獎禮的獎項比往年更專業，辛苦評判，問到是否有信心蟬聯組合奬？Lokman說：「希望粉絲愛戴令我哋可以蟬聯。」至於𨍭戰戲劇的AK 就表示看著隊友得奬也沒所謂：「影視都係作品，唔係剩係得音樂，大家行嘅路向唔同，咁我又唔係唔做歌，只係少啲，我自己冇乜所謂。」

相關閱讀：Ian陳卓賢遭林俊傑演唱會「彈鐘」演唱會監製公開致歉： 錯誤傳遞雙方訊息

MIRROR親回應林俊傑演唱會彈鐘事件

提到早前林俊傑（JJ）演唱會上發生「彈鐘」事件，Lokman指是溝通上的誤會，詳情與製作單位講的是一樣，至於是否需要安撫Ian？AK指對方沒有嬲，提到Ian unfollow對方的IG，Lokman說：「有時好難follow得晒，可能唔係unfollow，而係未follow，有好多行內嘅人，我都未follow，有時可能係合作過先follow。」至於有人在Ian的IG中留言攻擊，AK就認為大家是放大了事件：「事實擺咗出嚟，講咗俾大家聽，當然有權選擇唔信，但的而且確係製作單位出現咗溝通上嘅錯誤，Ian又冇唔開心，期待下一次，再準備好啲，希望下一次成事可以幫其他歌手做嘉賓。」問到會否影響他們與JJ 的關係？Lokman說：「罵戰都係出於大家對大家嘅愛，愛得太深，但有時要愛得開心，但有時為咗自己激氣就唔好，將愛扭一扭，令自己開心啲，就唔好針對喺對方上面，傷和氣。」而AK亦重申只是出現溝通上的錯誤：「我哋真係去到先知道溝通上出現錯誤，準備嘅歌唔同咗，令到表演唔能夠達成，就係咁簡單。（佢哋想你哋全部人上台？）係，中間嘅溝通錯誤。」他笑指自己當日也有帶JJ的CD到場打算找JJ簽名，所以最不開心的才是自己，希望下次能有機會再給JJ簽名。

另外，稍後姜濤、AL、Edan及Jer將會到馬來西亞出席音樂節賺外快，Lokman指他們一向也分小組行動，也開心他們能先行一步賺錢，更指已叮囑他們在那邊幫手播歌為他們宣傳，至於 推出MIRROR商品時，因AL與姜濤的簡介中分別寫「Co - Star」與「Star」出事，Lokman指這是廠商寫的簡介，而兩人亦認為這兩個名詞的解釋是差不多，還呼籲大家不要為這件事而鬧交。

保錡@ERROR獲粉絲廣播「好威猛又好靚仔」

ERROR在《CHILL CLUB推介榜 年度推介22/23》音樂頒獎禮中共提名7個奬項，當中成員保錡憑《猥瑣》入圍「流行歌曲奬」、「男歌手獎」及「新人男歌手奬」，對於今次入圍多個奬項，保錡最初表示有信心得新人奬第三名，但得知新人獎只有一個的時候，他又改口說沒信心，至於覺得誰是勁敵？他就坦言全部都是。

提到記者會上，當他上台時，有Fans出動大聲公不停播放「保錡！你好威猛又好靚仔呀！」來應援，保錡大讚Fans搞笑之餘亦令他很感動。近期經常做gym操fit身形的保錡又笑指今日是他着得最多衫的一日，皆因他平日着運動衫較多，問到何時才騷肌？他指現時離自己追求的目標好遠，現時有四舊腹肌，希望將來開騷或有適當機會，可向大家分享成果。

【其他文章】：

TVB最新力捧「6小生4花旦」名單 陳瀅劉佩玥孖住上位 張振朗捱足12年同90後爭

60歲何超瓊為契女曾昭怡慶祝生日 保養得宜更見容光煥發有柔情的一面

黃祥興帶妻女赴泰國體操比賽 餅印母女勁甜美 疑濾鏡太重滑漏似𡃁仔

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ