洪永城囡囡Sir Face跟媽咪返澳門探親熱到皺眉 玩「刷牙仔」口水直流勁可愛
發佈時間：20:00 2023-04-11
洪永城與梁諾妍1歲多的囡囡洪靖嵐（Amber），一向好受網民歡迎，更因為激似洪永城而被工人姐姐封為「Sir Face」。梁諾妍日前單打獨鬥一人湊Sir Face返澳門探親，與婆婆和兩個舅玩得非常盡興，不過就熱到皺晒眉，回港在船上因為太攰還瞓到反白眼。
【點擊睇Sir Face澳門探親】：
梁諾妍在IG探相留言：「前幾日返澳門，呀媽我好有吉屎（guts）咁全日一打一湊Sir Face，好彩佢都跟婆婆同兩個蕉蕉（舅舅），又同個個親戚姑婆、表姨丈公、叔公盛盛玩。呀媽少啲精力都唔掂，條腰少啲力都唔掂，耐性少啲都唔掂，臂力少啲都唔掂，反應慢啲都唔掂。9am船到澳門9:30pm船返香港，最後Sir face當然斷電（其間都take咗兩個nap），呀媽到最後都一齊框低咗，好難忘嘅一日。」雖然全程都又熱又多人，但梁諾妍透露「行去望下大三巴途中，Sir Face好sweet咁攬到我好實。」身為媽媽即使熱到爆，當然覺得好甜蜜。
主持區永權今日亦在IG貼出去探Sir Face的照片，他留言說：「去探洪永城？假嘅！去搵洪靖嵐先至真！Amber真係超可愛，近排仲喜歡學玩「刷牙仔」，so cute！」相中見區永權叔叔抱住正在咬牙膠的Sir Face，見她口水直流勁可愛，洪永城也留言笑說：「如果我係佢，就會成壺啷口水淋醒你。」而媽媽則留言說：「靖嵐係咪要見下靖嵐啦！」原來區永權的大仔與Amber撞名叫「靖嵐」，網民也留言笑說：「契女定未來新抱？」
【其他閱讀】：
張繼聰晒26年前嫩樣照談影帝夢 激似15歲囝囝張瞻DJ朱薰以為貼錯相
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
