金像獎2023丨劉青雲相隔8年第三度膺影帝多謝太太郭藹明 願意接受噓聲：總好過冇聲
發佈時間：23:00 2023-04-16
【香港電影金像獎2023／紅地氈／金像獎2023】《第41屆香港電影金像獎》今晚（16日）在香港尖沙嘴文化中心大劇院舉行，今屆影帝競爭激烈，最後由劉青雲繼2007年《我要成名》及2015年《竊聽風雲3》後，相隔8年憑《神探大戰》第三度成為金像影帝。獎項由多次飲恨未獲金像影帝的吳鎮宇負責頒獎，他笑說：「曾經同呢個獎6度擦身而過嘅人可以摸一摸呢個獎。」台下即時報以笑聲。
【相關閱讀】：金像獎2023｜劉青雲奪影帝！曾與周潤發任郵差 《大時代》與郭藹明零交流追女仔被誤會「借錢」
【點擊睇劉青雲奪最佳男主角高清照片】：
【點擊睇劉青雲拎獎】：
劉青雲上台即說：「唔使驚，我唔會唱歌。」多謝《神探大戰》台前幕後，並感謝英皇老闆楊受成、導演韋家輝，之後說：「都要多謝我自己嘅團隊同太太，佢哋成日都見到『神探』，唔係喺呢套戲入面；佢哋用咗超乎一般人能夠忍受嘅能力同工作，我即係話佢哋每日都能夠接受一次核爆。如果大家真係有夢想，又肯怒力，又夠長命，夢想有一會好奇怪地，又帶點遺憾咁實現，但係唔緊要，世界又豈會盡如人意，我都好多謝喺鏡頭面前嘅你，亦好多謝熱愛香港電影嘅朋友。掌聲又好、噓聲又好，我都願意接受，因為總好過冇聲。」
劉青雲受訪談到老友吳鎮宇在台上以「青黃不接」搞氣氛，劉青雲笑指對方幽默和精采。問到如何慶祝再獲影帝？劉青雲表示仍要忙於拍攝翁子光的新戲《爸爸》，希望大家會理解因要拍戲。至於太太郭藹明可有恭賀？劉青雲表示未有時間睇手機，「應該有啩，唔會咁（拎影帝）都無。」他又表示開心在會上見到好多新演員新導演，是新時代開始為電影圈帶來希望。同時劉青雲也為《我左眼見到鬼》的拍檔鄭秀文封后感到開心：「她這幾年一直尋求突破，相信她以後會越來越好。」問到可有機會再合作？劉青雲笑說：「係咪左眼去咗右眼？如果有合適劇本都會合作。（合作正劇？）當年是當正劇地去演，但做得不好，大家以為我在搞笑。」
【相關閱讀】：
金像獎2023丨91歲胡楓入行70年奪終身成就獎「序」有應得 精靈出場自嘲漏口好風趣
金像獎2023｜韋家輝奪最佳導演 10歲父母離異遷住徙置區 曾任職看更因一人躍升TVB金牌編劇
金像獎2023丨許冠文興奮膺最佳男配角 首獲非搞笑獎項：今晚可以當我係新人！
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
