劉穎鏇獲監製讚賞狂哭搞喊劉佩玥 馬國明望同靚湯拍《隱形》電影版
發佈時間：01:15 2023-04-26 HKT
馬國明、陳山聰、劉佩玥（Moon）、劉穎鏇（Tiffany）、林子善、江美儀等到將軍澳電視城出席《隱形戰隊》祝捷會，會上與監製文偉鴻宣布五大喜訊，包括全劇平均收視25.5點、大結局七天跨平台總收視28.7點等，暫列本年收視冠軍劇集。
劉穎鏇不認輸精神
活動上眾主要演員獲監製點名讚賞，Tiffany被點名時便落淚，Moon也「姊妹情深」為她落淚，子善也流下「男兒淚」。Tiffany表示拍攝過程非常之難忘，因有太多人生第一次，正在拍《奪命提示》的她收到消息也即時醒了。Moon講到為Tiffany落淚，她指對方同時港姐好細個便入行，一齊長大、見證她一直好努力，感受到她不認輸的精神：「拍攝時好多時都是Tiffany畀信心和耐心我。」二人笑言監製從來不開續集，但今次沒有講代表有保留，覺得有機會可期待一下。」
封利是利誘唐詩詠
馬明與山聰為收視報捷感開心，希望拍畢《奪》後監製有所動作，問想開電影版？山聰笑言想：「講多啲，用吸引力法則去成真！」馬明自認是幸運的一代，在劇集中和很多影帝合作過，希望能和梁朝偉、劉青雲合作，問若開電影版怕不怕和婚禮撞期？馬明說：「我結婚都只是幾日，又不是幾個月，點都會夾到！（叫埋湯洛雯客串？）都好！」二人又指唐詩詠是自由身，相信畀封利是她便會拍，問「劇集冠軍」有信心帶到年尾？二人坦言想，笑言目標是捧子善做「最佳男配角」。
爆靚湯未敢叫奶奶
講到馬明和靚湯為父親慶祝生日，馬明感謝劇組放他一日假，而「準新抱」去年已有為爸爸慶祝，問是否已改口？馬明笑說：「未，我估她怕老套，最多是叫嗲哋媽咪。」馬明指自己也沒改口，山聰笑說：「他未敢亂叫，始終啲禮金未課晒！」
而監製文偉鴻被問到可有進一步計劃？他指從來不愛開續集，但觀眾反應熱烈，他會考慮周詳：「點都會用一個方式再現《隱形戰隊》。（拍電影？）是有好大市場，但未夠膽講，好多事未決定。（幫手成事？）唔講太長遠，但相信有好劇本便會吸引到好演員。」
《星島頭條》APP經已推出最新版本，請立即更新，瀏覽更精彩內容：http://www.stheadline.com/
