中年好聲音紅白大戰丨曹敏寶支嚳儀夠活力熱唱舞曲郭偉亮讚周吉佩可愛紅組夠Sexy

更新時間：23:31 2023-05-07
發佈時間：23:31 2023-05-07

TVB音樂節目《中年好聲音》叫好叫座，在決賽當晚即席宣布將招募第二季，節目亦繼續添食舉行《中年好聲音紅白大戰》，並於今晚（7日）播出。今次比賽分紅白兩組進行，分別是紅組的李佳、龍婷、支嚳儀、林鉫徫、曹敏寶、李思林、李泇霖、陳早怡和梁鎧庭，對戰白組的周吉佩、羅啟豪、顏志恒、吳大強、魏嘉信、何博文、梁浩銓、丁文俊和涂家堯。到第三回合《最佳拍檔+飛躍舞台》，兩組各派出四名隊員，化身男、女團舞鬥，睇頭十足。

【點擊睇第三回合《最佳拍檔+飛躍舞台》】：

第三回合由紅組開始，派出龍婷、李思林、曹敏寶及支嚳儀跳唱《隆重登場》，4人穿上黑色打扮登場，龍婷最密實，只輕輕露腰，李思林及曹敏寶大晒長腿，而支嚳儀雖然穿上外套，但內裡的銀衫以露單肩設計，加上短裙、長襪露出大髀，低調得來又性感。4人邊跳邊唱，龍婷舉手投足展現魅力，而曹敏寶或者因出過唱片，跳唱時表現最有活力，只是51歲的「二家姐」李思林未有如胞妹李玟咁跳得，間中出現忘記動作，要靠望旁邊的曹敏寶及支嚳儀的動作，跟上節拍。

白組則由周吉佩、顏志恒、梁浩銓及魏嘉信以《唱這歌》反擊，眾人以如機械人的舞技演繹歌曲，表現尚算整齊。兩隊對決非常精采，伍仲衡大讚：「香港樂壇有救呀，好似睇緊《聲夢》，個個都好似廿幾歲咁。」伍仲衡更點名龍婷：「我發覺我愈來愈鍾意睇你跳舞，你個眼神好似想殺咗人咁。」張佳添就稱讚白組：「今次雄風真係出咗嚟呀！」郭偉亮（Eric Kwok）則說：「我今日見到吉吉，我覺得好Cute呀佢，跳到咁Cute。女仔嗰邊真係好Sexy，好有嗰種味道。」最終由4盞燈的白組以壓倒性比數贏只有1盞燈的紅組，白組暫時以二比一領先。

【其他文章】：

71歲吳大強被Fans直擊暈倒一刻！倒下前面青口唇白突然向後傾頭部直撞台邊

吳大強由太太囝囝陪同離開急症室報平安估計現場悶熱暈倒吳偉豪做孝順仔趕接爸爸

周吉佩目擊吳大強倒地頭部有傷痕親述《中年好聲音》活動完畢後現場情況

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ