張致恒老婆爆全家病倒又遭新業主退租雯雯當上一課令自己成長

更新時間：12:00 2023-05-09
發佈時間：12:00 2023-05-09

現年38歲的張致恒（Steven）與粉絲區燕雯（雯雯）在2019年奉子成婚，先後誕下三子，但婚後多度傳出婚變消息，又因經濟拮据，雯雯多次公開數臭老公，日前又再壓力爆煲，再在社交網放負。不過昨晚（8日）她又撰長文透露搬屋被拒租，之後臨時再搵地方，慶幸遇上好業主，令她上了一課，兼對好多事有不同的睇法及成長。

【點擊睇雯雯講被業主退租】：

雯雯寫道：「呢個幾星期經歷嘅就好似坐過山車咁，租咗屋簽晒約，大搬嗰日，已經搬晒嘢過去，當晚同我講唔租畀我，當晚佢三個仲要病得好犀利發高燒，第二日即刻租咗第二個地方，叫做錯有錯着，個地方好舒服，所有嘅人同業主都好好。前日三個一齊去急症，病極都唔好，今日終於到我大病，佢哋三個又持續發燒，不過我相信新地方會帶來好運，只要我堅持同努力，成家病埋呢一場，之後一定會好。喺呢件搬屋事件上面，真心好多謝出心出力幫助同陪伴係我哋身邊嘅人，如果唔係當晚連埋所有屋企嘅嘢同埋狗仔都唔知可以去邊，每發生一件事，都會成長同上一課，包括今次咁大件事，我對好多事情都有唔同嘅睇法同成長。」網民對雯雯終於想通，不再放負大表支持，更祝福她愈來愈好。

【其他文章】：

湯洛雯36歲生日風騷遊東京成手戒指好搶fo 短裙仔上陣愛人視角拍片隔空冧馬國明

東張西望丨已婚大學教職員疑出軌逾10女兼偷拍性愛片老婆大義滅親揭發惡行

李亞鵬疑霸公家地當私人菜園收物管警告拔菜苗嗌可惜拍片道歉

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ