陳慧琳拍戲講天王八卦被黎明撞到正獲「金句王」點醒唔再落井下石

更新時間：17:00 2023-05-15
發佈時間：17:00 2023-05-15

現年50歲的陳慧琳（Kelly）最近頻頻出席公開活動，早前於馬場表演獲網民大讚凍齡又夠fit！她日前快閃台灣24小時出席品牌活動，同場還有拍《刻在你心底的名字》爆紅的26歲台灣男神陳昊森，站在一起卻似姊弟。駐顏有術的陳慧琳早於2008年已與男友劉建浩（Alex）結婚，她日前接受李志剛的港台節目《好心情經理人》訪問時，大談婚姻生活，又大讚黎明（Leon）當年合作的一件小事，可看出這位天王是位智者。

【點擊睇陳慧琳靚相】：

陳慧琳透露在2008年與黎明合作拍《江山美人》，當時傳媒報道另一位天王的負面新聞，她說：「我哋班八卦友議論紛紛，當時黎明一入嚟，大家都靜晒唔敢講，而佢就拎住報紙睇，大家都睇緊佢會有咩反應。」誰知黎明再次「金句王」上身說：「唔好開心呀，我好人哋好，人哋好代表我好，所以唔好要人哋唔好就覺得自己好，我哋係同階段，如果人哋唔好，我自己都唔好。」陳慧琳聽完心想「勁呀！」，所以她見到同期藝人不好的消息，也不會感開心，更不會落井下石。

談到與老公的關係，陳慧琳指自己從不貪心，崇尚一生一世的愛情觀，李志剛笑指其老公應該是一名悶蛋，陳慧琳即為老公澄清：「唔係呀，佢唔悶㗎，佢搞笑型嚟㗎，好有幽默感，同佢一齊好開心㗎！」Kelly指平時與老公在家縱各有各看YouTube，但都會不其然來個擁抱，她亦曾透露老公每個星期日都會親自為她煮早餐，故即使自1992年便相戀，至今已逾30年仍非常恩愛。