一舞傾城｜蔡潔遭李嘉從後強姦拍攝現場竟有人爆晒缸：佢血流不止

更新時間：14:00 2023-05-16
發佈時間：14:00 2023-05-16

由王晶製作的TVB新劇《一舞傾城》昨晚（15日）首播，被封為「李佳芯2.0」的34歲蔡潔於劇中飾演夜總會王牌舞小姐Monica，首集便遭李嘉飾演的「雞毛司令古惑仔」麻鷹霸王硬上弓，雖然最終獲「志飛哥」楊明從魔爪中救出，但意識大膽的強吻、扯爛絲襪、摸大髀鏡頭，旋即掀起網上熱烈討論。

蔡潔接受訪問時透露，該場戲拍攝時間頗長，因此是考驗精神及體力的雙重挑戰，並謂拍攝期間雙方未感尷尬，反而發生了一件小插曲，原來李嘉不慎被玻璃枱刮傷！

【相關閱讀】：一舞傾城丨第1集即有強姦戲！蔡潔遭李嘉強吻扯爛絲襪摸大髀仲有其他重口味情節

【點擊睇《一舞傾城》第1集拍攝現場】：

蔡潔憶述：「記得拍咗第一Take時佢係血流不止，大家都唔知點算好，呢個時候男人就會發揮好Man嘅魅力，佢完全係唔Care個傷口，最後好順利地拍晒。」她又大爆大大隻的李嘉其實是大細路：「我睇落弱質纖纖，阿嘉就好大隻，但我哋現實相處當中，佢只係細路仔嚟，性格好可愛，有時反而我仲Man啲。」

為求寫實地演繹角色，蔡潔事前特意請教一位曾在夜總會工作的朋友，她說：「我捉住佢問咗好多，聽咗好多真實故事後，令到我對角色多咗好多Connection。」蔡潔續指，90年代審美標準與現今社會大相逕庭，她亦參考了大美人鍾楚紅的作品：「嗰時鍾意濃妝艷抹，服裝比較誇張，我自己好少咁樣打扮，事前都擔心自己做唔做得到，搵咗好多當時美人嘅形象參考，其中一位就係鍾楚紅小姐，佢都演過類似角色，有搵一啲佢嘅作品參考，佢真係太靚喇。其實當你化晒妝、整晒頭換埋戲服，一行入個景就會自然代入咗個角色，好享受拍攝過程。」