75歲汪明荃全素顏潮拎「買餸藤籃」趕睇戲被截停依然盡顯親民本色

更新時間：19:30 2023-05-23
發佈時間：19:30 2023-05-23

人稱「阿姐」的汪明荃入行57年一直都是潮流指標，不論鏡頭前後她必定悉心打扮先出門，好似早前就跟丈夫羅家英以Gucci運動服情侶裝去Trip，一班年輕網民都大讚她又潮又識打扮。近日，有網民則於西九戲曲中心巧遇汪明荃，其全素顏真實狀態及一身造型，旋即引起網民討論。

【點擊睇汪明荃潮Look】：

日前，該網民於社交網公開野生捕獲汪明荃的照片，並寫道：「經過戲曲中心之偶遇汪明荃，同阿姐打聲招呼，停下來影張相，阿姐話去睇戲，唔係拍戲。相片影唔靚，手震……勿噴。」又透露汪明荃當日單拖現身，甫見粉絲上前打招呼，即使趕路她仍禮貌回應，且中氣十足，其間還特意停低讓對方拍照，相當友善。

相中，75歲汪明荃戴上頭巾加眼鏡，雖然一臉素顏，但仍見皮膚滑溜，保養得宜；她更紅色及粉紫Polo-shirt打孖着、下身襯白色長裙，除頸掛出自三宅一生（Issey Miyake）的青綠色小包包外，又手拎一個潮爆草編手袋，打扮年輕，不少網民都讚她完全不似「七字頭」，狀態甚佳：「疊穿Polo真係好型」、「阿姐日常穿搭很好看哦」、「呢個包好貴的」、「這個年紀這個狀態真的很不錯」、「阿姐這個歲數並且活力十足，是超級幸運的事情」。