獨家丨羅毓儀唔怕醜公開示愛:佢靚仔又有才華 極速上位忙到癲同男友情比金堅
更新時間：09:00 2023-05-25
發佈時間：09:00 2023-05-25
發佈時間：09:00 2023-05-25
字體大小
被點名力捧的26歲TVB小花羅毓儀（Yuki）工作停不了，加盟TMG成為歌手同時，又踩住多套新劇，雖然同圈外男友Mike聚少離多，不過Yuki強調目前感情穩定，她更公開向男友發表愛的宣言：「佢(男友)靚仔又有才華，做到我做唔到嘅嘢。」採訪：方騫平 攝影：朱偉彥
羅毓儀於劇集《下流上車族》飾蔓蔓極速上位受捧，監製全面開綠燈，𠵱家Yuki劇接劇忙到癲，啱啱播完的《法言人》就做女一林夏薇的年輕版，再客串《NEWS新聞女王》及拍新劇《非常檢控觀》、《神耆小子》，連《東張西望》都關佢事，就黃大仙的獻主會溥仁小學因收生尚欠一人面臨殺校，她回到母校懷緬吓。
羅毓儀喺劇集《下流上車族》飾蔓蔓極速上位受捧。
就小學母校面臨殺校，Yuki回到母校，一度感觸爆喊。
在新劇《神耆小子》演鄭則仕孫女，好有發揮。
拍新劇《非常檢控觀》。
男友只擔心夜歸安全問題
Yuki得到公司重視受寵若驚：「今年真係有好多劇拍，就算係做側線主角，每個角色都有發揮。」「升呢」後Yuki坦言有壓力：「冇壓力就呃你啫，我都Feel到經已有好多目光，最驚做得唔好俾人話，演衰咗個角色就拜拜唔會再有機會，其實年幾前我做《真係唔好笑》主持都係戰戰兢兢，跟全部前輩一齊玩遊戲擔心會整到佢哋，唔知佢哋鍾唔鍾意，所以最初勒住去做，直到有集同林凱恩擂台格鬥，我哋糾纏咗10分鐘，兩個連飲奶力都出埋好好笑。」
面對前輩主持《真係唔好笑》，她怕玩得太放。
劇接劇的Yuki唔怕影響戀情：「男友唔擔心我會變心呀，我都以為佢會擔心，但佢完全冇，唯一擔心我夜歸安全問題。其實我哋OK㗎，我首支歌佢有份幫我打鼓，未來新歌都會用返自己原有嘅樂隊，因為最切合我日系風格。」
同男友感情穩定。
羅毓儀愛日系潮嘢。
Yuki模仿阿儀嘅洗腦歌《一加一等如阿儀》跳「全民baby舞」。
Yuki成為歌視兩棲忙人。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
