黃夏蕙狂收契仔女唔記得名但提醒要畀利是結婚周年晚宴獲家燕姐驚喜到賀

更新時間：22:45 2023-05-25
發佈時間：22:45 2023-05-25

身穿婚紗的黃夏蕙（BB）前晚在酒樓筵開83席慶祝與潘炳烈結婚35周年，好友劉錫賢、潘志文、魏秋樺、徐寶鳳及丁羽等到賀，相識幾十年嘅薛家燕亦驚喜到賀，家燕姐成全場焦點，更應邀上台和主人家切燒豬、生日蛋糕及醒獅點睛。台上司儀肥仔賢（劉錫賢）見BB兩公婆切燒豬時笑住搞氣氛說：「呢隻豬，潘sir㗳咗好耐，但都分享吓嘅！」全場又大合唱生日歌祝BB 91歲生日快樂，家燕姐坐足半場才離開。

家燕姐讚BB心地好

家燕姐在台上表示，睇住夏蕙姨長大，大讚對方心地好好，且熱心公益及幫助朋友，祝佢哋永遠恩愛，身體健康。

家燕姐好欣賞BB嘅人品。

欣賞方俊照顧偉文

活動期間進行上契儀式，原先只得4個契仔跪地斟茶，當中包括好錫老人家嘅張偉文經理人方俊，點知臨時又加多兩個契仔話要上契，之後又再加添多6個契女，最搞笑大部份契仔、契女，BB都唔記得佢哋叫咩名，司儀肥仔賢多次呼籲新收嘅契仔、契女快快補利是，否則未完成過程。然後一班契仔女台上合唱<總有你鼓勵>送畀契媽，BB又獨唱，咪嘴演繹一曲飲歌《禪院鐘聲》。之後BB落台走勻全場，跟買咗枱力撐她嘅賓客合照，再狂收利是，計埋賣枱收入，當晚BB真係大豐收。另外，方俊指BB好欣賞他悉心照顧張偉文，對他好好，所以主動話要契他做契仔。

《星島頭條》APP經已推出最新版本，請立即更新，瀏覽更精彩內容：http://www.stheadline.com/