王君馨自認屬「冇毛派」講起都毛管戙性感爆燈全因臀部線條

更新時間：14:00 2023-05-28
發佈時間：14:00 2023-05-28

37歲的王君馨近年以獨立歌手「G.Racie 」重返樂壇，熱愛跳唱的王君馨一舉手一投足體態撩人，充滿性感！日前王君馨現身楊詩敏（蝦頭）和連詩雅（Shiga）主持的網上節目《絲打圍爐》，王君馨認為自己的臀部較為性感，她更直言自己是「冇毛派」！

【點擊睇王君馨相】：

向來被視為性感女神的王君馨，她坦言自己着重由內散發的魅力：「我覺得自己個臀部線條都靚，不過我反而覺得自己嘅性感係由入面散發出嚟，係一種自信，唔覺得自己係外在好靚嘅人，不過亞洲人睇一個女仔，要瘦又要有長腿，皮膚要白又要長頭髮。香港令到性感變咗條事業線，搞到我有啲疑惑，即係有胸就係性感？我唔明白，同埋個胸唔使好大，你夾個胸咪有條事業線，王祖藍都夾到變Handelababy，but is that sexy？」

反而王君馨欣賞男士的胸部：「其實胸部係佢點着件衫，如果係平嘅，一睇男仔寒背就好似冇乜自信，當然佢有胸肌嘅係代表佢好努力做Gym，值得欣賞。」連詩雅突插口話：「最緊要冇毛！」王君馨輕輕皺眉說：「係呀，有毛我都唔得，我七年級嘅時候，有個田徑隊隊長追我，追咗我一段時間後，我話我真係唔OK毛，佢為咗我剃，跟住着勁Deep V恤衫返學，極度自豪，但原來啲毛下面好多暗瘡，好慘，剃嘅時候有冇刮損自己？真係慘！」

後來，王君馨又被問到與老公的相處情況，直言老公不介意她的性感打扮！她說：「佢見到我平時嘅行為，好似喺舞台又或者拍MV，佢會覺得呢個係我嘅個性，散發一啲性感嘅魅力，但係我私底下唔係，唔會成日着短裙『嗲』啲男性，生活係好正常，佢就係係冇嘢，知道我只係工作。」但她坦言老公很少看自己的作品：「有時要迫佢睇，因為佢唔識中文，聽唔明嗰啲意思，可能佢係啲五音不全嘅人，所以學唔識廣東話。」