任達華再入手大灣區豪宅！逾千呎半山單位勁寬敞飽覽山景被封娛圈樓王全球擁30物業

更新時間：14:30 2023-05-31
發佈時間：14:30 2023-05-31

人稱「娛圈樓王」的68歲任達華，自1990年開始入市後便一直買「磚頭」，眼光獨到的他在全球坐擁超過30個物業，包括香港、巴黎、曼哈頓、倫敦、新加坡、北京、上海等。曾表示看好廣東中山物業的升值潛力的任達華，繼今年2月底被爆在中山市睇樓後，日前他再現身內地簽約買樓！

【點擊睇任達華買樓】：

近日，有網民在社交平台貼出任達華在中山睇樓的照片，並寫道：「置業就選中山，和香港影帝任達華做鄰居！」相中，穿綠色Polo-shirt、戴迷彩Cap帽的他，跟着三名工作人員踩落地盤又到大樓視察，最後回到展銷會場大筆一揮簽約買樓。事後，任達華還接受地產代理公司訪問，暢談在中山置業的心得：「因為都拍咗咁多年戲，希望喺啲更加綠化嘅地方，畀我節奏慢番少少，得閒一個或兩個禮拜過嚟住兩日，其間可以畫畫、打波，做吓呢啲咁嘅運動，同埋呢度應有萬有，所以我覺得係好事。」

據網上資料，該半山豪宅位於中山，主打3房及4房戶型，單位面積均逾1,000方呎，入場售價約為人民幣160萬，折合港幣約182萬；而大樓依山而建，單位可飽覽山景社區景致，且客飯廳面積寬敞，足夠住戶舉行派對。