72歲食神韜韜轉型KOL殺入大灣區網民驚見身形暴瘦勁憂心自揭一原因暴跌130磅

更新時間：09:00 2023-06-01
發佈時間：09:00 2023-06-01

人稱「食神」的72歲韜韜（梁文韜），因主持TVB飲食節目《日日有食神》而為人熟悉，任職元朗大榮華酒樓董事總經理的他，曾執掌港九新界三間分店，惜繼前年底九龍灣店後，灣仔大榮華圍村菜亦於去年8月28日結業。自此轉型做飲食KOL的韜韜，主力拍片教煮餸又介紹各區美食，而今年年初中港全面通關後，更頻頻到大灣區「探店」，本身抖音已坐擁5.1萬粉絲的他，昨日（30日）再進駐小紅書開設帳號。

【點擊睇韜韜近況】：

韜韜先後於小紅書上載兩條影片，分別介紹兩間廣州食肆的佳餚，片中他一邊中氣十足地講解，一邊大啖食鳳爪、小籠包、叉燒、燒腩、燒賣、蝦腸等，非常滋味。一班網民都大讚韜韜點評夠專業，惟不少人驚覺他瘦了許多︰「韜哥係唔係瘦咗？」、「韜爺老咯」，韜韜亦逐一禮貌留言回覆，自嘲「歲月不饒人」，並透露：「之前減肥成功，瘦咗，不過最近玩自媒體到處吃，又肥番。」

其實去年爆出灣仔大榮華結業消息時，韜韜近照流出後已被指「招牌龐大身軀」足足暴瘦三圈，情況令人擔心。不過，韜韜透露只因弟弟在2017年59歲時，有日食完飯坐在大班椅上突然離世，令年紀漸大的他開始注重健康，決心做運動並以生酮修身法減磅，更一度由325磅減至195磅，仲成功搣甩超大肚腩。