唐寧召集《CYC家族》童星合體何靈靈李佩蕙30年後激罕蒲頭冇走樣

更新時間：12:30 2023-06-03
發佈時間：12:30 2023-06-03

童星出身的41歲唐寧去年自爆已移居紐西蘭生活，轉型全職YouTuber的她不時拍片分享生活，偶爾在自家節目《得閒食飯》與不同嘉賓視訊吹水，早前則邀得TVB神劇《大時代》飾演童年方展博的黃寶龍，結果引起網民高度關注，不少人對二人的童星生活大感好奇，當時唐寧亦坦言跟1993年港台劇《CYC家族》一班童星仍保持聯絡，更期待可一起拍片重聚，未料事隔一個多月終成事，昨日（2日）張繼聰、黃寶龍、何靈靈和李佩蕙隔空合體，惟獨欠梁俊傑（傑仔），眾人即趁梁俊傑不在場大講對方「壞話」，相當爆笑！

【點擊睇《CYC家族》童星】：

片中所見，42歲黃寶龍仍舊眼大大，靚仔樣三十年幾乎冇變過，而劇中唐寧兩位家姐何靈靈和李佩蕙，前者戴上粗框眼鏡兼染了金黃短髮，Keep住黝黑的皮膚與深邃雙眼皮大眼，後者則白雪雪，並增添了幾分成熟感，一眾網民都表示勾起不少青春回憶：「呢個組合真係無敵」、「見番你哋好開心呀，大家都冇咩點變」、「可以聽到咁多位童星分享以前嘅趣事，好正啊」、「唐寧真冇乜點變」、「何靈靈係我初戀女神」、「何靈靈，教育電視最佳女主角」。

提到張繼聰和何靈靈《CYC家族》演一對，惟現實中女方卻跟另一位童星「洋蔥」玩，張繼聰打趣道：「靈靈喺我心目中係永遠得不到嘅女朋友仔！」但他自爆兒時偶像是楊采妮，很羨慕黃寶龍可跟女神一起拍廣告。對於被網民追問跟黃寶龍可曾拍拖，唐寧則坦言暗戀過張繼聰，皆因飾演「劉德華」的他角色又乖又叻又有氣質，因此拍攝時一度「沉船」，黃寶龍就笑指當年覺得唐寧眼珠好黑，故改對方花名為「外星人」。

談到劇集曾邀請不少新晉歌手客串，張繼聰稱，最難忘是飾演「阿Sir」的梁漢文和鄭嘉穎，又大爆當年鄭嘉穎好文靜，梁漢文則成日跟他們踢波，仲不斷叫他唱歌。問到女士們可有［心心眼」？三女均表示有讚嘆哥哥靚仔，但談不上喜歡對方。至於譚凱琪胞姊譚凱欣也有拍《CYC家族》，曾跟對方合作的張繼聰表示，後來在TVB跟譚凱琪合作時感覺二姊妹好相似，追問下才知道是兩姊妹。