一舞傾城丨陳法蓉自爆嫁唐文龍婚紗只值幾百蚊 大結局有舞小姐MMA！
發佈時間：17:00 2023-06-13
TVB劇集《一舞傾城》今晚（13日）將會播出大結局！昨晚播出的一集，「青龍」唐文龍與「沙律媽」陳法蓉婚禮期間，被「麻鷹」李嘉槍殺，陳法蓉在認屍場口上上演近三分鐘獨腳戲，大晒層次式喊戲。
【相關閱讀】：一舞傾城劇情丨第22集大結局劇透！楊明拔槍鄭恕峰血濺靈堂 蔡潔陳星妤有好歸宿
【點擊睇陳法蓉幾百蚊婚紗】：
陳法蓉進入停屍間後，先是強忍淚水與已離逝的「青龍」唐文龍閒話家常，細訴以往甜蜜回憶，直到說出「我真係冇嘢呀」時，得不到回應的陳法蓉崩潰爆喊說：「我真係好嬲你，你明明同我講過你會同我一齊到老，你做唔到做咩應承我…」、「我等咗你十幾年喇，你點解要抌低我一個…我冇咗你唔得架…」之後陳法蓉為唐文龍送上最後一吻，令人動容。
講到這場認屍戲，陳法蓉受訪時透露：「我都唔知拍咗幾多分鐘，淨係知道編劇想我喺呢場戲演得比較有層次，入去時就若無其事傾吓偈先，之後慢慢進入狀態喊出嚟。」陳法蓉指原本還擔心演出達不到導演要求，她說：「拍完即刻衝去導演房問得唔得，點知有個演員指住導演，之後我見到導演抹緊眼淚，佢隔籬個演員又抹緊眼淚，佢哋話覺得好好睇同埋好感人。」陳法蓉還分享了結婚戲趣事，她說：「結婚戲其實好開心，因為件婚紗都用咗好長時間搵，最後終於搵到一件幾百蚊、又好見得人嘅婚紗！」
李嘉飾演的麻鷹壞事做盡，昨晚終於中槍身亡。在劇中衰到出汁的李嘉，接受訪問時被問到出街有否被街坊鬧？他笑言：「出街又冇畀人鬧，但出嚟反應有兩種，有一種係眼神有啲畏懼，另外一種就相反，一見到我就叫大佬，話我演得唔錯。最緊要觀眾睇得開心，對我嚟講都係一種鼓勵。」
講到演麻鷹最大挑戰，李嘉說：「最大挑戰係同魚旦媽（莊思敏飾）嘅感情戲，我自己以前拍嘅戲、男女之間感情好少咁深入，同埋我同屠伯（鄭恕峰飾）之間嘅父子情，都要用好多感情去演，係我演藝生涯嘅新嘗試。」提到劇中有不少親熱戲，問事前有否向太太備案？他笑言：「都有同老婆提會有親熱戲，老婆都好理解我作為演員嘅工作，作品拍完一出街，佢都會一齊睇畀意見，同我講點樣可以演好啲，都幾開心嘅。」
今晚大結局，沙律將會和一班姊妹設局，誘騙屠伯自爆犯罪真相，而為夫報仇的沙律更會做出一個驚人舉動。另今晚魚旦媽將率領Paula（傅嘉莉飾）、巴巴拉（莊思明飾）和媚媚（趙碩之飾）上演摔跤大戰，她們將與另一班舞小姐在擂台上激戰，畫面吸睛。
【其他閱讀】：
東張西望丨東張女神梁敏巧小背心又出動 網民錯重點擔心受訪者：另類測試？
愛回家丨楊明做戅直私生子挽形象？ 跟莊思明拍處境劇塑造入屋機會
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
