譚玉瑛黎諾懿合作拍微電影　姊弟開火一Take過搞掂

更新時間：06:00 2023-06-21
發佈時間：06:00 2023-06-21

黎諾懿和譚玉瑛姐姐最近為醫療中心拍攝廣告微電影，兩人在微電影中跟黎諾懿飾演姊弟，劇情講述他們感情親厚，不過隨着歲月流逝及疫情洗禮，二人關係漸變疏離，其中飾演細佬的黎諾懿更因忙於工作，忽略了家姐譚玉瑛，最後才知道家姐患病，透過短短數分鐘劇情，令活在忙碌的都巿人反思，健康和親情的可貴。

譚玉瑛、黎諾懿與兩位飾演他們童年的小演員合照。

飾演姊弟的譚玉瑛、黎諾懿演起鬧交戲，七情上面。

譚玉瑛喜歡宣揚健康與親情

過往黎諾懿與譚玉瑛曾合作綜藝節目，演戲方面即使首度搭檔也默契十足，當中一幕姊弟鬧交的鏡頭更是火花四濺，一Take過完成。黎諾懿能跟「兒時偶像」譚玉瑛姐姐演對手戲大呼驚喜，「多謝這次邀請令我可以同譚玉瑛姐姐合作，對方係我前輩兼兒時偶像，所以同佢演戲係好緊張，幸好譚玉瑛姐姐和藹可親又專業，拍攝過程好愉快，鏡頭後佢仲分享好多『煮食經』、人生點滴畀我，仲叫我要好好享受人生。」譚玉瑛坦言作品很有意思，不僅提醒大家要留意自己身體狀況，出現不適要及早就醫，亦要重視親情，「雖然香港人好忙，我相信大家都應該重視『情』，同埋身體健康嘅寶貴，我一向都注重健康，所以非常喜歡將呢個訊息宣揚出去。」

譚玉瑛大讚今次微電影主題相當有意思。

微電影中，飾演家姐的譚玉瑛突然病倒，令細佬黎諾懿相當緊張。

黎諾懿憶兒子患病愛莫能助

提到今次拍攝難忘事，黎諾懿指目睹飾演家姐的譚玉瑛患病，自己在旁愛莫能助，勾起他兒子「小春雞」黎峰睿早前感染人類偏肺病毒，同時感染乙型流感嗜血病毒，需留院觀察的經歷，他憶述當時心痛感覺，「寧願自己病，都唔想見到屋企人病，睇住佢哋病，自己又幫唔到手係最痛苦。」微電影宣揚親情可貴，而黎諾懿為了多陪伴家人，近年也選擇「減產」，他說：「現時主要朝綜藝方面發展，因為時間比較容易控制，做埋綜藝節目監製，因為監製嘅工作可以留喺屋企搞，方便湊仔，加上年紀大啦，唔想捱太多夜，拍劇方面打算貴精不貴多，兩年左右一部。」