香港小姐2023丨26佳麗「終極面試」玩盲選評身材 馬詩慧勁彈：真人同相差好遠
發佈時間：15:00 2023-07-01
《2023香港小姐競選》經過初步遴選，26位準佳麗晉身「終極面試」，接受總經理（節目內容營運）曾志偉率領的評審團嚴格考核。直擊「終極面試」過程的《2023香港小姐競選 終極面試》將於明日（2日）開始，一連兩個周日晚上9點播出，並會先後淘汰4名及4至6名參賽者，最後只會剩下16至18名佳麗成功晉級，未到最後一刻都未知哪幾位準佳麗能夠出發往越南拍攝外景，相當刺激。
【相關閱讀】：香港小姐2023丨雷莊𠒇提名佳麗做瑜伽曝光豪宅？ 頻晒身材力撼兩位大熱
【點擊睇26個準佳麗】：
《2023香港小姐競選 終極面試》由陸浩明（6號）擔任主持，26位佳將會接受曾志偉率領的評審團考核，成員包括助理總經理（藝員管理及發展）樂易玲、籌委會統籌經理何小慧及籌委會形象監督陳惠英等。明晚播出一集將分兩個回合進行，綜合兩回合各方分數後，將有準佳麗率先被淘汰！在第一個回合中，26位準佳麗將輪流出場自我介紹，特別地方是26位準佳麗將親自挑選Profile相，評審將綜合佳麗的自選Profile相及真面目作出點評。
有準佳麗獲讚真人與上鏡「一樣咁靚」，但亦有準佳麗遭狠批，名模馬詩慧說：「真人同張相差好遠，做人最緊要係有真我，唔好靠啲相，啲相係幻覺嚟！」評審與準佳麗的互動亦是亮點之一，有準佳麗自我介紹時因太緊張搞到口窒窒，不慎將23歲講錯成13歲。另某部分準佳麗因廣東話麻麻、自我介紹時似足機械人，6號笑言：「你係咪跟Siri學？」謝嘉怡亦忍不住說：「你自信好好，但真係要練習廣東話！」
第二回合，製作組將26位準佳麗的靚樣分成「笑容」、「眼睛」和「肩頸線條」，而以運動裝上陣的準佳麗則會遮樣出場，評審團則以「盲選」形式點評各人五官和身形。有佳麗身形令人眼前一亮，獲志偉大讚是「衣架肩」；亦有佳麗因下盤比較健碩，被勸要減一減大髀。
【相關閱讀】：
香港小姐2023｜翻版Angelababy親解「失蹤」之謎 再傳4佳麗疑似退選
香港小姐2023丨一文睇清21佳麗變髮前後！「翻版王祖賢」Lea滿意新Look變潮
香港小姐2023丨第三輪面試入圍佳麗曝光 趙璧渝胞妹谷胸上陣 銀髮蔡思貝禾稈冚珍珠
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
