CoCo李玟逝世丨胞姊李思林心痛86歲母親白頭人送黑頭人 腦細胞已死仍堅持到底
發佈時間：02:28 2023-07-06
李玟昨晚（5日）驚傳離世，終年48歲，其胞姊向粉絲、傳媒發放訃聞透露李玟在7月2日於家中輕生，延至昨日不治。李玟二家姐李思林（Nancy）今日（6日）凌晨向《星島頭條》透露對於妹妹離世心情，她形容「個心好似粉碎咗」，不李思林過最心痛的是已經86歲的母親白頭人送黑頭人，指媽媽未到40歲已經失去老公，當時妹妹才剛出生，含辛如苦養大女兒如今卻發生悲劇。
【相關閱讀】：CoCo李玟逝世｜胞姐李思林曾拒透露妹妹婚姻狀態：她盡了做妻子和繼母的責任
【點擊睇李玟與家姐照片】：
李思林說：「個心好似粉碎咗，過去呢幾日冇瞓覺，唔相信呢件事，我每次行入病房，睇住妹妹啲心跳儀器、呼吸儀器指數，每一秒盯住嚟望。嘟一聲個人係震晒，因為醫生話佢隨時唔喺度，叫我哋作最壞打算。」
李思林最心痛是已經86歲的母親，即使醫療團隊指，李玟腦細胞死亡仍然不肯放棄：「最心痛係睇住我年邁嘅母親，佢八十幾歲，佢由9點鐘企到11點鐘都唔肯坐低。我媽咪係一位中醫，佢係都要喺佢頭頂，因為話佢（李玟）腦細胞已經死咗，但佢死都唔肯放棄。睇到好心酸，白頭人送黑頭人，幾時會快樂吖？」
李思林同時感謝醫療團隊的努力：「初頭送入去都已經話冇得救，keep住都冇用，叫我哋放棄；但我話，我媽咪40歲唔夠就冇咗老公，我細妹就嗰時出世，一直由媽咪帶大佢﹐好辛苦養埋我哋，我媽咪已經86歲，畀個機會我媽咪，畀個機會我妹妹，就算有一線生機，都請佢哋幫手，所以我都好多謝醫生同護士，佢哋盡心盡力，我好感恩。」
李玟與老公分居兩年多未離婚
另外，有知情人士向《星島頭條》透露，李玟與老公Bruce已經分居兩年多，目前正在辦理離離手續。之前李玟與老公是住在赤柱，而今次事發則在李玟母親與家姐的山頂寓所，事發時老公亦不在香港，Bruce回港時，已是事發第二日。
知情人士又透露離婚協議已經傾得七七八八，又指目前仍未離婚，對方仍可以自稱是李玟老公；他又表示現在李玟離世，又未簽離婚協議，Bruce可以省下不少贍養費，又形容李玟「傻女，捐咗佢都好嘛⋯⋯」；知情人士同時表示，李玟有訂立遺囑，所有財產都會留給李玟最錫的媽媽。
【相關閱讀】：
CoCo李玟逝世｜胞姐李思林曾拒透露妹妹婚姻狀態：她盡了做妻子和繼母的責任
CoCo李玟逝世丨40秒最後遺言曝光 哽咽感謝粉絲做自己後盾
CoCo李玟逝世｜年初傳與富商老公離婚 情人節前突認感情變悲劇：離開是最好的安排
CoCo李玟逝世｜母親揭女兒住所內輕生陷昏迷 送院搶救3日不治
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
