86歲余慕蓮行得走得精神好 諗定將來綠色殯葬寧慳錢做呢件事
發佈時間：12:30 2023-07-22
余慕蓮（余毛）入行超過60年，2020年因患耳石症，以及因咳嗽不適入院，檢查後發現患肺纖維化重病，一度要做手術，並入深切治療部（ICU）留醫，依賴儀器呼吸，身形亦因病變得更瘦，幸病情已逐漸好轉，余慕蓮回復昔日精神。本月4日余慕蓮86歲生日，不少人都為她慶祝，但原來經歷大病的她，早就為將來的身後事作好打算，在最近一集《鏗鏘集》談到對綠色殯葬的看法及透露現時的身體狀況。
【相關閱讀】：余慕蓮86歲生日連環精靈慶祝 每日做呢兩件事保持良好體態依然聲如洪鐘
【點擊睇余慕蓮談身體狀況】：
余慕蓮在2020年同時被驗出有罕見的血液炎，情況一度危殆，一度走過鬼門關的她，在訪問中透露現時身體情況時稱：「而家驚腳無力，會跌吖嘛，所以我好勤力，行多啲同踩單車，有時有太陽就會落街曬吓，太陽對身體好。醫生叫我千祈唔好跌，一跌啲骨就斷，而家唔做得手術。」只見她可扶着輪椅步行，又能到公園健身設施練腳力，精神也相當不錯，余慕蓮也表示感恩，「加護病房嘅病人多數都冇得出院，我可以出返嚟，但醫生話冇得醫，而家要食標靶藥，控制好病情，唔好畀佢咁快復發，一復發就凶多吉少。」
直言最緊要「好死」
樂觀的余慕蓮更認為現時每一天都「賺咗」，「每個人都會死，驚咩啫？最緊要『好死』，最好瞓瞓吓覺死，我每次瞓醒都賺咗一日，仲喺度咪賺咗一日。」人緣甚好的她，早前獲不少圈中藝人輪流為她慶祝生日，但余慕蓮指自己並無親人，因此希望將來百年歸老採用綠色殯葬，「我無親人，綠色殯葬好簡單，化灰之後掉落花園，如果有家人就話有人嚟拜你啫，既然我冇人嚟拜，咁就一切從簡。簡單方便，唔會煩到人。因為整個墳墓好嘥錢，倒不如慳啲錢做善事好過。」
入行超過60年的余慕蓮，多年來演醜角居多，形象深入民心，但她年輕時絕對是美女一名，家中亦放有她的個人婚紗照，她亦是一位超有善心的大好人，雖然居住環境不算十分理想，但仍經常做善事，因此亦放有不少感謝狀。
【其他文章】：
余慕蓮精靈打麻雀慶86歲生日！ 三年前一度留醫ICU 願望食得玩得瞓得
余慕蓮獲容天佑提早一個月慶祝86歲生日 曾於ICU留醫現精神好反應快
85歲余慕蓮身體轉差靠打3萬幾標靶藥抗病 患肺纖維化一度惡化入ICU：我問醫生幾時死
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
