52歲顏仟汶經歷恐怖8小時死過翻生嘆生命真係好脆弱

更新時間：13:35 2023-07-25
發佈時間：13:35 2023-07-25

52歲顏仟汶早前因為TVB新劇《一舞傾城》入型入格的演出而被觀眾注視，上月更現身《中年好聲音2》海選，希望令自己的人生更加豐富。在未知是否有機會參賽前，顏仟汶在內地登台，昨日她在社交平台貼上多相近照，坦言經歷8小時搲爛身的一個晚上，過程相當恐怖！

【點擊睇顏仟汶恐怖經歷】：

顏仟汶在社交平台貼上多張相，有身在醫院打點滴的相片，亦有多張全身關節部位以及眼部出滿「一撻撻」紅疹，狀甚恐怖，她留言說：「昨晚02:30左右，手腕，眼睛，小腿全部一粒粒，以為畀野咬，去沖涼，塗藥膏，再瞓！8點多痕醒，發覺耳背，頭頂都開始痕！全身都好多，覺得不妙！」

結果顏仟汶入院睇急症，在醫生的診斷下，原來是藥物敏感：「佢話：『你咁都忍到？』跟住即刻隊都唔使排，吊針+打patpat針+食藥，吊完都無好轉，再去問醫生，佢話一般的敏感半小時就見效，但藥物敏感有些人3、5、7天都唔散，叫我明天可能仲要去多次！」幸好回家後狂飲水兼冰敷，紅疹已經慢慢散，現在已經沒有事了！

生命真係好脆弱擔心會死

後來顏仟汶又解自己出post的原因：「今早突然覺得生命真係好脆弱！有一刻心內出現，我會唔會『死』?所以我真心希望我所有所有的朋友們都要身體健康！身體健康！身體健康！愛你們！」顏仟汶還解說自己服了甚麼藥：「家庭醫生傷風感冒咳 / 情緒科的藥，兩個醫生都睇咗好多年，亦從來未試過對藥敏感的，昨晚想早點睡，見感冒又翻起，有咳，就兩份一齊食，跟住就出事喇。我仲未想死住，所以我應承自己同大家，以後我會小心的。