獨家丨「亞視一姐」薛影儀公告戀愛中 絕密消息對象是公司靚仔高層
更新時間：17:24 2023-08-02 HKT
發佈時間：17:24 2023-08-02 HKT
發佈時間：17:24 2023-08-02 HKT
字體大小
39歲的黃花閨女薛影儀之前出席公開活動時，列出5大招親條件：要求對象是金融才俊、溫柔體貼、專一、長頭髮及鍾意收太陽花。又表示生日願望是開心、努力上進，更強調唔恨拍拖，唔需要搵白馬王子﹗因為拍拖要花錢：「我想要自由，寧願專注工作，賺更多錢應付日常生活開支。」豈料今日喺社交網更新個人狀態，表示在戀愛中，惹來全城關心。
阿儀好需要有愛。
今日更新係戀愛狀態。
阿儀情竇初開。
「儀粉」紛紛問阿儀係咪蜜運中？仲好奇追問邊個係「亞洲女婿」？留言恭喜及祝她幸福，網民又發揮無限創意，笑指「係咪小豬食咗你隻豬？」阿儀接受《星島頭條》獨家訪問，首開腔回應戀愛狀態，她解釋其實只係單戀：「拍拖係假呀！唔算係拍拖，我單戀呀！咁單戀算唔算係戀愛中？但啲人話單戀算係戀愛中。」雖然阿儀聲稱係秘密，唔肯透露單戀對象係乜人，但初戀的她開心得心花怒放，忍唔住多口爆咗句：「係公司人。」及後為怕畀公司鬧爆馬上補鑊改口：「係我自己啲朋友。」好搞鬼。
據《星島頭條》收到消息，原來阿儀被公司一名靚仔高層吸引到春心蕩漾，周圍傳短訊給姊妹表示戀愛中，又求教如何去表白，愛情魔力令阿儀相當進取，達失控狀態。至於亞洲心動娛樂阿儀經理人林寶玉回應說：「我地都剛剛睇到，不過藝人都有佢私人生活，我哋公司都會再進一步關心同了解。」
究竟阿儀公司邊位靚仔男高層幸運，得到阿儀寵愛呢？
「最索經理人」林寶玉要調整阿儀心態了。
【點擊逐格睇阿儀處女MV】：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
